اهداء مني لكل مصري ومصرية وعشان كل منافق كان ضدنا ودلوقتي بيتلون بنقول له تشكر ......................
ناس بين يوم وليلة
امبارح ضد الثوار
بيحاربوهم ليل ونهار
بيقولوا للظلم امحيهم
وكب عليهم مية ناار
ولما لاقونا بقينا القوة
صوتنا مسمع برة وجوة
دلوقتي عاملين حبايبنا
انسوا خلاص مبقاش اعذار
كانوا عارفين الحق معانا
لكن صوت الظلم عمانا
بس الحق مسيره بيرجع
لاصحابه بعزم واصرار
بايدينا كسرنا الاغلال
وعدينا من الظلم جبال
كان لازم نبدأ ثورتنا
قبل ما يجرفنا التيار
حققنا اكتر مطالبنا
وده معناه ان احنا كسبنا
مصر بلدنا رجعت لينا
رجعت بايدين الاحرار
دلوقتي نفكر في بلدنا
علشان مستقبل اولادنا
نرجع ونباشر اعمالنا
علشان يكمل المشوار
مش وقت مطالب فئوية
نمسح من روحنا الاناينة
نتعاون ونكون ايد واحدة
هنعيش في امان واستقرار
نرجع بقى ونشوف مصالحنا
انتاجنا هيصبح في صالحنا
هنطور وهننتج اكتر
ومصر بلدنا هتبقى عماار
