كبريائي

لو كنتي فاكرة  انك بكلمة هتسرقيني

ولا يعني عشان بحبك تاخدي عيني

من حلمك اصحي وخلي بالك واسمعيني

مبقتش احبك مبقتش اوهبلك حنيني

مبقتش اشوف جوة في عنيكي الا الجراح

مبقتش افكر امتا ضيعنا اللي راح

مبقتش اشوفك الا وانتي بتجرحيني

كان نفسي اكمل جوة حضنك كل ايامي وسنيني

كنتي عندي اغلى الناس قولي ليه بقى بتسيبيني

دلوقتي مات حبك في قلبي مات اللي كان بينك وبيني

في حاجة اغلى منك عندي بكتير صدقيني

مبقتش اخف لو يوم بعدتك زي مانتي بتبعديني

اقدر اقولك ايه اغلى منك عندي لو يوم تسأليني

بعد منسيتي اللي عدى نسيتي اخلاصي ووفائي

ردي هيكون كلمة واحدة حتى لو زاد اشتياقي

مش هقول غير هي بس مش هقول غير كبريائي

قالوا عيون ملاك

كل اللي شافوا عنيها قالوا عيون ملاك

ولا حد غيري شاف على ايديها الهلاك

هو صوتها لو سمعته بتولد انا من جديد

اما صورتها مبشوفش غيرها حتى لو كانت بعيد

لما ببقى جنبها ببقى نفسي اضمها

لما ببعد عنها روحي بتروح عندها

بس جراحي كانت بايديها حساب مفتوح

من اول ما قابلت عنيها وانا مجرح

يعني اللي شافوا منها قلبي قصاد حنينه

كان عذاب كان الم بيزيد انينه

لما تكون بعيد عن عيني

كل ما تكون بعيد عن عيني

اقول هنساك وبعد هواك

خلاص للحب مش راجع

ولما الاقيك بلاقي حنيني

بيجري عليك وينده ليك

 وبرده بتبقى مش سامع

تغيب عني جراحي تجيني 

بتاخد روحي تسيبلي جروحي

وببقى من غيرك ضايع

تطول بعد حبيبي سنيني

تفوت ليلة حياة طويلة

حاول اعيش ومش نافع

لو كان في ايدي قلبي

لو كان في ايدي قلبي لوكنت اقدر اخبي

شوقي ليك وانت جنبي كنت اقدر يوم عليه

لو يوم بصيت في عيني تلقى شوقي وحنيني

والحب اللي ماليني حبك دوبني فيه

لو ليا نصيب في حبك لو ليا مكان في قلبك

لو يوم من عمري جنبك كنت هعوز تاني ايه

لكن انت جرحت قلبي ولا يوم حسيت بحبي

لا في يوم قربت مني بعته وجنيت عليه

مختطفات

حبيت ايامك ومخدتش غير الم
حنيت لغرامك ونهايتي كانت ندم
طب ليه تنساني طب ليه قلبك ظلم
ولايه في ثواني حياتي بقت عدم


ليه تبعد عني حبيبي وتسيبني احتار
ارجعلي حبيبي دانا في بعدك قربت انهار
دي حياتي معاك كانت جنة وفي بعدك نار


مش لازم حب تاني تاني كفاية اكون معاك
تهواني ما تهواني طول عمري اشتاق لؤاك


ياما الهوى شغل فؤادي وسهر عنيا
من يوم ما شفت عنيك وانت كل اللي يلا
خليك معايا يا كل عمري دانت بالنيا ديا



ياللي في عيونك حكاوي يتحكاها العاشقين
يالي في كلامك غناوي لحنها نغم السنين

اقولك برده انا اسف
عشقتك ليه وانا عارف
انك مش حبيبي صحيح
حياتنا مركبة غارقة
مصيرنا ايه غير الفرقة
بايدي بقيت من المجاريح


بتسأليني هي مين هي حب كل السنين
لو مش هقولها هيبان في عيني هتعرفيها من الحنين

انا ازعل منه واصالحه واطيب جرحه وهو يعذبني
عشتله لياليا وشيلته في نن عنيا وهو مغلبني
طب ابعد تاني واسيبه وشوقه يجيبه ويرجع يتعبني

يفوت ليلك وانا اجيلك واقول للقمرة تبقى معاك
اشوفغ صورتك اناديلك سنين عمري وحياتي فداك


ضاعت سنين من عمري ايام ضاعت في الهوى
بندم عليها ودا قدري  قلبي خلاص انكوى
ولايه يعود الزمن مخلاص دفعت التمن
على ايه تدمع عيوني على حلم ضاع في الهوى

خلاص بطلت احب

خلاص بطلت احب خلاص بطلت ادوب
من يوم ما عشقت قلب قلب معذب قلوب
خلاص هنسى اللي كان هنيى ايام زمان
هنيى حبيبي اللي خان اللي اديته الحنان
خلاص هرجع اعيش والشوق ميهزنيش
والشوق اللي تعبني دلوقتي خلاص مفيش

متمثليش الندم

متقدميش اعذار متمثليش الندم

عيشتي قلبي في نار ومعاكي قلبي انظلم

 حبك في قلبي هموته وهعيش سنيني

قلبك هسيبه لوحدته ولو كان شاريني

قلبي رسملك ضحكته على نن عيني

كان اسمك انتي دنيته ليه تجرحيني

عايزاني اسامحك عاوزة انسى كل حاجة

صورتك ملامحك مش هتفرق فيا حاجة

وعد ومكتوب عليكي  مش هرجع احن ليكي ولا يوم هنكون لبعض

جرحي هداويه بايديا  صورتك هتموت في عنيا وعذابك مني وعد

قلي وخلاص قفلته وكلامي كله قلته وهعيش المر شهد

قولتلك قبل النهاردة

قولتلك قبل النهاردة حبنا لازم يعيش

ليه تسيبني في المرار ده والمرار مبينتهيش

واننا لازم نكمل حبنا لازم يكون

مهما مشوارنا يطول انت يا احلى العيون

حلما تبقى حياتناجنة مليانة ورود

ليه نضيع ذكرياتنا ليه تضيع كل الوعود

في الهوى من غيرك انت مستحيل هقدر اعيش

ليه تسيبني حبيبي وانت شوقي ليك مبينتهيش

انت ياللي عنيك دي قدري ياللي لجراحي طبيب

عيني جت في عنيك يا قمري من يوميها انت الحبيب

ياللي في بعادك بقاسي روحي طارت مني ليك

انت فاكر ولا ناسي ان روحي ملك ليك

نفسي يوم ترجع وهنسى مهما تجرح مهما تقسى

لو تبيع انا برده لسة قلبي بيدور عليك

يا حبيبي انت اللي ليا انت روحي ونور عنيا

متساويش الدنيا ديه عندي نظرة من عنيك