اخر كلام عندك هتمشي وتبعدي

اخر كلام عندك هتمشي وتبعدي

طب شاوري قلبك واسأليه واتأكدي

قبل ما تنسي وتجرحيني وتعندي

افتكري اي كلمة ليكي قولتها

بتبيعي قلبي ومش غريبة وتقدري

وبتنسي حبي وفجأة ليه تتغيري

مبجيش في بالك او حتى فيا تفكري

وانا كل ايامي عشانك عشتها

قلبي يعلى

قلبي يعلى ينزل لتحت وحبة يطلع لفوق

ليه عشان ايه دا كل ده علشان دايب في شوق

بت حلوة امورة اوي وجمالها على اعلى ذوق

قلبي طار رفرف عليها علشان عاوز يدوق

من حلاوة حمار خدها وعشان عاوز يفوق

لما داخ من غرام حبها حيران دايب في شوق

احلوي يا دنيا وروقي

احلوي يا دنيا وروقي

وجري الدم في عروقي

يوصل حنين قلبي وشوقي

لحبيبي ويفكر فيا

وبأعلى صوت حسك صيحي

وخلي صوتك تفاريحي

شيلي الهموم عنك زيحي

اشوف جمالك بعنيا

وانت مش معايا

عارف

وانت مش معايا

عارف

من يوم ما قلبك ودعني

الجرح بعدك ودعني

لو يوم تفكر ترجعلي

هتتبهدل ويايا

عارف

عنيا نسيت دمعتي

وشفايفي عشقت ضحكتي

اه ياناري يا لهوتي

حل عن افايا

الحياة جنبك مملة

انت ياللي ملكش ملة

دانت جبت لقلبي علة

ارفني في هوايا

انت ياللي ملكش ملة

متساويش في عنيا فلة

ان ما عشت في نار وذلة

تف في افايا

سهرت اللي على القهوة

القصيدة التي كلفتني كثيرا امام الداخلية

سهرت اللي على القهوة

لقيت الحملة على سهوة

صحابي قالولي قوم نخلع

بدل ما فانا يتلسوع

اجالي المخبر وقاللي اقف

لا عارف اجري ولا ازحف

قاللي بطاقة قلت مفيش 

قاللي اكيد حلاوة وعيش

لقيته بيندهلي الظابط

في ثانية اعصابي سابت

اتمنيت اكون بحلم 

اكيد ساعتها يكون ارحم

قاللي ازيك انت فين

بنستناك بقالنا سنين

خدوه وحطوه جوة البوكس

وظبتهولي بعلقة لوكس

قلت في عقلي حبس بحبس

بقيت للدنيا معنديش نفس

طحنت كله وخدتها افش

لقيت في ثانية في ايدي كلبش

وبيجروني زي الجحش

وعند المركز فجاة صحيت 

ولقيت روحي جوة البيت

ومن يوميها معنتش نمت

وعشت بقية عمري في صمت

مفروط وقلبي بيتقطع

مفروط وقلبي بيتقطع 

من حيرتي يا ناس انا عاوز افوق

كل ما اشوفه واجي اتمطع

اندهله كدة الاقيني مدلوق

يابني ارحم دانا قلبي مصدع

وخلي عندك حبة ذوق

دا باعتني والبعت في طبعه

وعمر ديله ما كان معدول

كل ما اشوفه واجي اراجعه

يدلقني كدة اه وكدة علطول

ضاعت سنين من عمري

ضاعت سنين من عمري

ايام ضاعت في الهوا

بندم علبها ودا قدري

قلبي خلاص انكوى

ولايه يعود الزمن

مخلاص دفعت التمن

على ايه تدمع عيوني

على حلم ضاع في الهوا

مددت رجلي ارتاح شوية

مددت رجلي ارتاح شوية

حملة مرافق جت عليا

شالوني فجأة علطول في ثانية

تممت نفسي لقيتني ناقص

رجلي اليمين مش جنبي خالص

ندهت واحد لقيته ظابط

سألته يمكن حكومته خابت

لقيته قاللي تعالى خدها

ومن غباوتي روحت اجري

قاللي لازم تديني حاجة 

شبهها مش عاوزين سذاجة

تجيبلي رجلك اللي معاك

وتروح تستناني هناك

فضلت قاعد وانا مستني 

ومحدش عاوز يفهمني

وفجأة فقت لقيتني في بيتنا

وبيتنا كان لسة في حتتنا

فضلت افكر اليه اللي بيحصل

انا قربت اهنج او افصل

يوم فراقك يا حبيبي

يوم فراقك يا حبيبي صخرة نسفت ذكرياتي

الوداع منك حبيبي صدمة بتهدد حياتي

لو تدوق جرحي حبيبي او عذابي او اهاتي

كنت ترجعلي حبيبي تبقى جنبي طول حياتي

الدموع اللي بكيتها والجراح اللي في عيوني

دي الحياة دايما لقيتها سودا دايما في عيوني

يوم ما قولنا خلاص نفارق

دا قرار مفيهوش رجوع

التقيت قلبي اللي غارق

في بحر مليان بالدموع

ارجعلي بعدك دوبني

ارجعلي بعدك دوبني 

لو كل يوم هتعذبني

ارجعلي وتعالى في حضني

لا خلاص بعادك غلبني

مليت في بعدك وخصامك

دي حياتي كانت ايامك

اجمل حياة  سعد وهنا

مشتاق دلالك

لو كان عذابي بيحلالك

الاهة مني هقولهالك

هصعب عليك ولو بان عليك

انا هبقى راضي

تبعد حبيبي وتنساني 

بنسى معاك كل زماني

مشتاق لؤاك  اكون معاك

اسمع كلامك

كل الجرح بتطيب

كل الجرح بتطيب

 الا جرح الحبييب

اصل الحياة قدر ونصيب

كان نفسي تبقى قريب

سامع في قلبي صوت الاه

بايديا انا هداويه

جرحك لقلبي مش هنساه

لو حتى باكي عليه

زودت جرحي وكنت دواه

دلوقتي راجع ليه