عاصفة سخرية بسبب قميص الزمالك "البينك".. "ده لبس الفلانتين".. و"لما يكسب الدورى حياخد دبدوب"
أحد رواد تويتر لكتابة "استطاع الزمالك أن يصرف تويتر شوية عن السياسة بالفانلة الفوشيا... تفتكروا مقصودة؟ .. ولا اعتراضا على مرسي مشجعهم؟ ولا خطة إخوانية خبيثة؟"
انصب جل السخرية على لون الفانلة الجديد والغريب على الألوان التي عهدناها في قمصان أندية الكرة المصرية، مادعى أحدهم ليقول: "ده لما يتشد من الفانلة يبقى "فاول" ولا تحرش؟ فيما كتب آخر "بعد ما شوفت تيشيرت الزمالك البينك, زمان كنت أسمع إن الزمالك مدرسة لعب وفن وهندسة.. بس مكنتش أعرف إنها مدرسة بنات الصراحة".
وانتظم طابور التعليقات الساخرة على النحو التالي:
- عيب يا بيه.. اللى لابسه الزمالك ده عيب يا بيه.. وتتهز له سبع شبكات.
- يا جماعة إنتوا بتتريقوا على لبس الزمالك ليه؟ ده حتى إدارة النادي جايبلهم اللبس ده عشان "الفلانتين".
- سؤال سريع: ليه كانوا الزمالك لابسين بمبي النهارده؟ دي باربي تتكسف تلبس اللبس ده أصلا.
- وليه تجيب لحبيبتك في الفلانتين دبدوب لما ممكن تجيبلها تيشيرت الزمالك.
- الزمالك كسب بس بالإغراء.
- الزمالك بالتي شيرتات دي لو كسب الدوري هياخد دبدوب.
- إللي أقترح لون فانلة الزمالك ده على مجلس الإدارة زمانه دلوقتي مربوط في مخزن النادي وبيتعذب.. وإحتمال يقتلوه ويرموه على طريق السويس بالليل.
- كدة أي جول هايجيبو الزمالك هايبقي "حظ عوالم".
- لاعيبة الزمالك نازلة تلعب بقمصان نوم!!!.
- هو الزمالك فاكر لما يلبس "بينك" إن البنات كدة هتشجعه؟؟.
- لم يقتصر الأمر على التعليقات المكتوبة فقط، بل طال الصور كذلك، فعلى طريقة الكاريكاتير قام أحد مصممي الصور بنشر صورة للفريق أثناء تجهزه لبداية المباراة، لكل منهم تعليق ساخر على لون فانلته الجديد، كما قام أحدهم بنزع الفرعون الموجود على شعار الزمالك واستبداله بالشخصية الكارتونية المشهورة "النمر الوردي".
لكن الأمر لم يمنع آخرين من الدفاع عن فريق الزمالك في اختياره لهذا اللون الجديد، والذي ترتديه العديد من الأندية الأوروبية المشهورة كناديي اليوفنتوس وباليرموفي إيطاليا، فهذا مشجع أهلاوي يكتب "مش عارف الأهلاوية (اللى أنا منهم ومتعصب على فكرة) بيتريقوا على تيشرت الزمالك ليه؟ قال يعنى الأحمر هو اللى لون رجالى أوى !".
وكتب آخر يبدو أنه زملكاوي: "أنا بس نفسي تسيبوا الزمالك في حاله، يلبس فوشيا يلبس أحمر المهم يكسب مرة من نفسنا".
