‏إظهار الرسائل ذات التسميات اشعار حميدو. إظهار كافة الرسائل
‏إظهار الرسائل ذات التسميات اشعار حميدو. إظهار كافة الرسائل

الجمعة، 30 يناير 2015

اصابع الاتهام

اصابع الاتهام
تتحول مع الايام
مرة شرطة ومرة جيش 
وياما كتر كلام
والاخوان ناس ارهابية
والحكومة هي الحرامية
ناس بتقتل وناس بتسرق
ناس بتاكل من الاوهام
تلفزيون بيشتغلنا
والاخبار فيه بتزعلنا
مذيعة تضحك مذيع يعيط
مسلسلات على افلام
بكرة نحكي ايه لولادنا
ايه اللي كان حلو في بلدنا
داحنا ياللي لسة فيها
مش فايفين من الاحلام

الأربعاء، 11 سبتمبر 2013

وبتظلميني

ساعات بحس انك جنبي ومتيش جنبي
وحبي ليكي ده كان كدبة ومش من قلبي
وأول ماشوفك او حتى افكر فيكي
قلبي من شوقه لحضنك بينده عليكي

وبتظلميني
وكلامي تاخديه بمعني تاني ولا تفهميني
ازاي وانا  من غير ما تحكي حاسسك بعيني
بتغلطيني

وتكدبيني
لما اّجي ابررلك مواقفي ولاتسمعيني
ازاي وانا عايش لحبك طول سنيني
بتعذبيني

الثلاثاء، 9 يوليو 2013

مفيش في صدري رصاص


مفيش في صدري رصاص

ولا  طلق من الخرطوش

لكني مت خلاص

وعمري معشتهوش

ميت ومش بالضرب 

ولا اترميت في النهر

ميت ومن غير حرب

واللي قتلني القهر

من اللي بيحصل فيكي

من الفتنة يا بلادي

الكل جااي عليكي

والدم بقى عادي

بدعي وبقول يارب

محنة ونعديها

ومصرنا يارب

من الفتنة تحميها

الجمعة، 19 أبريل 2013

كيف احببتك؟

كم من الناس يسألونني 
من التي جعلت حياتك مبهجة
وكيف صارت بين يوم وليلة حبيبتك
 قلت لهم 
ماذا انا ان كنت يوما دونها
فانا بشر وهي الملاك والنقاء لونها
ماذا انا ان لم اكن في ظلها
ففي الشتاء يكفيني دفء حنانها
وفي الربيع انفاسي تصبح عطرها
ماذا انا ان لم اكن بجوارها
لا تسالوني فانا اكون بحبها

الجمعة، 26 أكتوبر 2012

متفهمنيش غلط

متفهمنيش  غلط
دنا لو لمست ايديك 
انا بنسى كل الناس
وبعيش احساس
ميتوصفش بكلام


متفهمنيش غلط
دنا لما تيجي عيني في عنيك
بفرح وبطير 
وبحس كتير 
ان حياتي معاك احلام

متفهمنيش غلط
لو من عيون الناس
انا خوفت وغيرت عليك
الله يحميك
اسهر وانت حبيبي تنام

الجمعة، 19 أكتوبر 2012

يا مولاتي


مولاتي الجميلة يا احلى خطوة واجمل اختيار
ر
وهبت نفسي لخدمتك بعقد تمليك مش ايجار

ومعايا روحي هتحرسك ارجوكي تمضيلي القرار

وعنيا هتكونلك مراية ديما هتبقالك بداية

وجوة قلبي انا هبني قصر هتعيشي فيه اجمل حكاية

دي مش حكاية ده حبنا ده امر واقع 

مش مجرد قصة او فصل في رواية

تعرفي يا مولاتي 

رغم كل اللي اعرفه واللي عرفته

حاسس اني لما بقول كلام ببقى لاول مرة قلته

واني لما بشوف عنيكي كاني مولود وانتي اول حد شوفته

صدقيني لما اسرح لما اشوفك

ببقى خايف لو اغمض عيني عنك

حاجة تتسبب في خوفك

تقبليني اكون عشانك

الثلاثاء، 16 أكتوبر 2012

في عنيكي كلمة سر


 في عنيكي كلمة سر
وفي حبي ليكي الف لغز وسر
بهواكي عاوز اعترفلك في العلن والسر
واقول بحبك واعشقك 
على فكرة هتسمعيها كتير مش بالكلام بالفعل
ما انا اصلي حبيتك بجد 
مش حب عادي ده حب من نوع خاص لا عرفته قلبك ولا عرفه غيري حد
مع ان كل كلامي ومهما قلت حاجة كدة عالقد
طب تسمحيلي اقولك اني خلاص ملكك
حاسس كانك جوة مني وبشوف خيالي ساعات يكون ضلك
طب حاولي تنسي الدنيا ومتخافيش انا اللي فاضلك



الاثنين، 15 أكتوبر 2012

بحر حبك


بحر مش لاقيله مرسى غير عنيكي
دنيا مش بتمنى منها الا لمسة من ايديكي
حاجة مش بفهما لكن حب ليكي في قلبي ساكن
فرحة كنت اتمنى اعيشها فرحتي في الدنيا بيكي
كل حاجة حلمت بيها كل يوم بلاقيها فيكي
تعرفي مبقتش شايف او بفكر ولا بحلم ولا برتاح الا ليكي

الأحد، 7 أكتوبر 2012

لازم اكون مغرور

بيسألوني انت ليه فرحان 

ميعرفوش اني بقالي حبيب 

وانا بيه بقيت مشغول 

وفي حبه انا غرقان

ده لو شافوك هيقولوا اه معذور

لازم يكون مغرور

ما حبيبه اما يكون ملاك او من نساء الحور

الاثنين، 1 أكتوبر 2012

عيد ميلاد حبيبتي وفرفوتة قلبي

النهاردة 1/ 10عيد ميلاد انسانة حبيتها بجد

ولما كتبتلها الشعر مكانش بيننا حاجة غير اني بحبها 

لنما دلوقتي فهي خطيبتي وروحي وعقلي 

وشريكة حياتي

فكتبتلها الكلمتين دول


كل سنة وانتي طيبة يا عمري

وعشانك الشعر ده

عيد ميلا حبيبي  عيد ميلاد فرحتي

هي اللي بحلم بها واعيشلها دنيتي

عيد ميلا شعرها  حرير  واه ياني

عيد ميلاد قلبها ابيض وده مكاني

عيد ميلاد اجمل عيون بجمالها شداني

عيد ميلاد اسمها واللي حروفه تتغنى في اغاني

عيد ميلاد اللي ملك قلبي جابني ووداني

الجمعة، 15 يونيو 2012

كان ما بينا


كان ما بينا احلى قصة حب 
قول بتبعد عني ليه بالشكل ده
قلت هنساك بس لسة ليك مكان في القلب
والغريب معرفش مين فينا بالبعد ابتدى
بس لما جيت عاتبتك قلت انك مش هتنسى
وانها بس الظروف بس بعدك زاد وفاق ابعد مدى
وابتديت من تاني ادور ايه اللي خلاك عني تبعد
واكتشفت ان انت فاكر اني كنت بخدعك
وان قلبي في لحظة ممكن يمشي قبل ما يودعك
بس في الحالتين بتظلم خسارة ماقدرت امنعك


الخميس، 7 يونيو 2012

يا جمهورية على الورق

يا جمهورية على الورق وفي الحقيقة انتي شعب بيتحرق

يا مبنى  عالي   للسحاب   ملوش  اساس اصله اتسرق

يا صرخة المظلوم لما يحس انه اتخنق

يا ضحكة المهموم لما يفيض بيه ويتزنق

يا بحر كله هموم انا فيكي حاسس بالغرق

يا قلب ام حزين   يا ضهر اب  انكسر بيجري عالمساكين

يا فرحة الصبيان بالعيد علشان فيه لبس جديد

يا لمة الاصحاب  على القهوة بلا مواعيد








الثلاثاء، 22 مايو 2012

للدرجة دي


للدرجة دي

البعد بقى عندك عادي

لا سمعتني مرة بنادي

ومحستش اني مشتاق ليييييييك

للدرجة دي

بتقول لي اسف مش فاضي

واصدقك واكون راضي

لو بس المح حتى عنيييييييييييييك


الأحد، 20 مايو 2012

يا قلبي متتسرعش


معلش يا قلبي متتسرعش وتظلمها

في حاجات جواها اكيد تعباها بتألمها

مش معني انك كل ما بتحاول تقابلها

تهرب منك
يمكن مش عاوزة تشوفها حزينة لما تكلمها

ومتنكرش انك احيانا بتحاول تهرب منها

واما بتهرب تلاقيها قصادك ولا بتشوف غيرها

مهو هو دة يبقى اسمه الحب يا قلبي

معقول مفهمتش انها منك وانت بقيت منها

الثلاثاء، 3 أبريل 2012

انا مترشح للرياسة


النشيد الوطني الجديد

بالسياسة بالغلاسة

انا مترشح للرياسة

واحدة واحدة بمصر نعلى

اصلي وخداني الحماسة

مش بهرتن او بخرف

دي شغلى هايفة 

هي يعني مصر ناسا

قوم يا مصري اديني صوتك

خلي عندك يا شيخ حساسة




الجمعة، 3 فبراير 2012

ملعونة يا حرية


 ملعونة يا حرية
لو تيجي للجربوع
يصبح سليط اللسان
وهيمشي في الممنوع

ملعونة يا حرية
لو تيجي للخايب
منشوفشي غير الشر
وحسرة ومصايب

ملعونة يا حرية
جيتي لشعب عجيب
اذكى الشعوب لكن
في الهجص والتهليب

ملعونة يا حرية
ملناش نصيب فيكي
قسمتنا نفضل كدة
عيب فينا مش فيكي

الثلاثاء، 27 ديسمبر 2011

قالت لكل البنوتات




قالت لكل البنوتات

هذا الذي ما حركته امورة بين البنات


راهنتكم..


سيستدير ولا يكون مربعي


ويكون شهما واد رجولة ومجدعي


سترونه بيدي انسانا لطيف


وترونه يكون قدامي اظرف منن الظريف


يا مستفزة


الويل لي يامستفزة

الويل لي من طائر صابته هزة

الويل لي من مشية ولا احلى وزة






انت التي أسميتها ست البنات


اقسي على قلبي و مرمطيني من سكات


اني الاغي اني اكاكي مثل الدجاج

حاشاك عمري ان افكر بالزواج

احني لكي راسي لو طلب المزاااج


الويل لي



الويل لي يامستفزة

الويل لي من طائر صابته هزة

الويل لي من مشية ولا احلى وزة




قسما بخالتي لن تري وشي الجميل


سترين معنى الغل كي اشفي الغليل


ارأيت قبل اليوم عرسا للغسيل

في ثورت الاحزان في صمتي الطويل


فتفرجي هذا المسا رقصي الجميل

الويل لي

الويل لي يامستفزة

الويل لي من طائر صابته هزة

الويل لي من مشية ولا احلى وزة




وبعد ان قام كاظم الساهر بتعديل وتغيير قصيدتي الجميلة هذه اصبحت بهذا الشكل



قالت لكل الاصدقاء
هذا الذي ما حركته اميره بين النساء
راهنتكم..
سيستدير كخاتم في اصبعي
و يشب ناراً لو رأى شخصاً معي
سترونه بيدي اضعف من ضعيف
و ترونه ما بين اقدامي كأوراق الخريف
يا مستبده

الويل لي يا مستبده
الويل لي من خنجرطعن الموده
الويل لي كم نمت مخدوعا على تلك المخده
الويل لي من فجر يوم ليتني ما عشت بعده

تلك التي اسميتها تاج النساء
اسفاه كانت يوما في دمائي
تباً لعينيها حسبتهما سمائي
انا خانني صدقي و دمرني وفائي 
الويل لي

ومددت كفي كي اصافح صدمتي 
شكرا لجرح كانت فيه صحوتي
هذا الذي فعلته فيَّ حبيبتي
ثمناً لاخلاصي و محبتي
الويل لي

انت التي أسميتها تاج النساء
اقسي على قلبي و مزقيه لو أساء

اني اعاني اني اموتاني حطام
حاشاك عمري ان افكر بانتقام
احنيلك رأسي بحب و احترام
الويل لي

قسما بجرحي لن تري دمعا يسيل
سترين معني الصبر في صبري العليل
أرأيت قبل اليوم عرساً للقتيل..؟
في ثورت الاحزان في صمتي الطويل
فتفرجي هذا المسا رقصي الجميل
الويل لي

الثلاثاء، 29 نوفمبر 2011

عارفة

عارفة 
مبقاش لحياتي معنى طول مانتي بتبعدي
عارفة
اول ما الشوق جمعنا وكنتي بتوعدي

كان اسمك احلى ذكرى
كان ليكي مكان في بكرة
انا عاوزك تبقي فاكرة
انتي اللي بتعندي

عارفة
من يوم ما لقيت عنيكي  ضحكتلي دنيتي
عارفة
اول ما حلمت بيكي حورية في جنتي

كان نفسي تكوني جنبي
كان نفسي تحسي حبي
لكن انتي كسرتي قلبي
خسرتي محبتي

الأحد، 27 نوفمبر 2011

خلصنا من الديابة


خلصنا من الديابة
علشان نبني البلد
اتارينا بنينا غابة
فيها 100 ديب اتولد

طب دي نسميها ايه
ثورة ولا انقلاب
ولا نظرة حسد

هتفنا كتير وقلنا
يسقط حكم العسكار
يسقط حكم اللي فينا
وفي التراب يتاجر

اتغيرت الوشوش
اتبدلت الوحوش
واتاري الديابة
بتكتر في العدد

الثلاثاء، 15 نوفمبر 2011

كلمات اغنية قلوول للشاعر حميدو

بمناسبة اقتراب الانتخابات الجدية في 2011 بعد ثورتنا المجيدة

لقيت نفسي بكتب الكلمتين دول على الفلول   على لحن اغنية فلوس لمحمود الليثي



فلوووول

مرشح  مصفح  
يزور يحور
في الانتخابات يعمللي شريف

فلوووول
ساعتها يجيلك
وينجح يسيبك
عمرك ما تشوفه ولا شتا ولا صيف

تتتررراااراارررررررررررررر

يا صاحبي حكمة ومني انا خدها بصراحة

لو يبقى نائب عننا منشوفش راحة

محتار ياناس   محتار يا ناس

معقول خلاص    معقول خلاص

منديهمش صوتنا وبياخدوها فردة