‏إظهار الرسائل ذات التسميات بقلم حميدو. إظهار كافة الرسائل
‏إظهار الرسائل ذات التسميات بقلم حميدو. إظهار كافة الرسائل

الأربعاء، 9 أبريل 2014

ما وراء البوكسر

ساعات بتقعد جنبك واحدة في العربية  وتبقى نفسك تلزق فيها

كتير بتشوف واحدة في الشارع  وتفضل تبحلق فيها  وطبعا لازم تستظرف

بتحصل لك وبتحصل لي وبتحصل لاي حد  وفي نفس الوقت بتحصل لاختك ولاختي مع حد برده بيفكر نفس التفكير ده

الملخص ان كما تدين تدان

وافتكر ان في حديث للرسول عليه الصلاة والسلام

 " لأن يطعن في رأس رجل بمخيط من حديد خير من أن يمس امرأة لا تحل له ".

صدق رسول الله صلى الله عليه وسلم

السبت، 15 ديسمبر 2012

حينما يوشك الحب على النفاذ

حينما يوشك الحب على النفاذ
نتمسك ببقايا الذكريات ونحاول ان نقفز فوق الاحزان ونعلق ابصارنا باي ضوء ولو كان خافت
حينما يختنق القلب 
نتخطى كل اوجاع الحب ونترك ورائنا كل ما يمنع الفرح من الوصول اليه
عندما يزورنا اللون الاسود
نجاهد كي نصنع خيطا من الالوان كقوس قزح
اذا احسست يوما ان شيئا خفيا يسرق منك سعادتك فلا تبحث عن هذا الشئ ولكن ادعو الله ان يبقي هذا الحب داخلك وتمسك بحبك وكن على استعداد لتخسر اي شئ من اجله 
لا تترك لحظة الا وتثبت لنفسك ان قلبك ملكا لحبيبك
اجعل كل الاغنيات هي رسائل حب منك والى حبيبك
تخيل انكما كل عشاق الارض
اكد لمن حولك ان كل قصص الحب مستوحاة منكما
حاول ان توثق حبك باحتفاظك بكل الذكريات فيوما ما ستشتاق ان تتذكر كيف احببت 
حاول ان تتذكر تاريخ كل ذكرى سعيدة عشتها وحبيبك
ان كنت عاشقا بحق سترى دائما انك مبتسم محب للحياة وقد تجد انك تحب كل الناس 

الأحد، 11 نوفمبر 2012

عزيزي العاشق


عزيزي العاشق 


هل تعلم للحب كما وكيفا


لا تطلق مشاعرك دفعة واحدة ولكن 


اعطي حبك 

لمن تحب على شكل جرعات كي لا


يمل وحتى لا 



تنفذ مشاعرك


اما طريقة الحب فالحب لا يعرف طريقة


ولا يلتزم 



بطريق


فالحب بالكلام وكثيرا بالسكوت


الحب بالايحاء وغالبا بالمصارحة


قد نرى الحب في ابتسامة حين يجدك 


حبيبك وقد 

ندركه في نظرة غضب حين ترى غيرة


حبيبك عليك



ونشعر بجمال الحب حين يبكي حبيبك 


على شئ 

اصابك وتتأكد منه حين يضحك بهيستريا


من اجل 



فرحتك





سعادتك بحبيبك لا تعرف لها مدى ولكن


حين يقترب 



منكما الحزن فاعلم ان اللون الاسود


سيباغتك 



ويحاول ان يلتهم كل الوانك فلا تترك له



الفرصة وكن 



على يقين ان ليس كل خطا نجعله حجة


لهذا اللون 


الاسود كي يدخل عليك




تأكد من ان الحياة ليست كلها ابتسامات 

ولن تبقى 


تضحك بهيستريا هكذا وان حياتك هنا


على الارض 



وليست فوق السحاب كما تتخيل وانت


مع حبيبك 



واعلم انك تعيش بين الناس وليس مع


حبيبك فقط







انظر حولك تعلم ان للفرحة طعم مختلف


حين تحزن 



قبلها وان الضحكة لن تعرف قيمتها الا


وقد بكيت منذ 


لحظات وان سعادتك بحبيبك لن تحصل


عليها كاملة 



او بصورة مطلقة




حاول الا تقترب اكثر فلكما اقتربت ظهرت 


لك 




الرطوش وحاول ان تبتعد وتجعل مسافة 


لا بأس بها 



بينكما حتى ترى الصورة كاملة فتختفي 


الرطوش ولا 



تظهر العيوب
 

الثلاثاء، 3 أبريل 2012

الفريسة

اه يا مصر
فقد اصبحتي مثل المرأة المريضة التي اصابها اخطر مرضين 
وهما الضغط والذي يتمثل في المجلس العسكري
والسكر والذي نراه في جماعة الاخوان
الى جانب الامراض والاعراض المصاحبة لهم
مثل الصداع والذي يشبه مجلس الشعب
والروماتيزم وهو مجلس الشورى
والم المفاصل وهو عبارة عن انعدام الامن وسؤ الخدمات وضعف الرقابة واستغلال الناس لبعضهم واحتكار السلع 
يزيد على هذا كله سرعة خفقان القلب وهو ما يمثله الشعب بمطالبه الفئوية وكثرة طلباته 
وكل منا اعتقد ان الثورة قامت من اجل تحقيق مطالبه هو ولم يدرك ان الثورة جاءت لتغير واقع تعيشه البلد باسرها
ماتت الوطنية فينا
فسحقا لنا
وعذرا لمصر

الجمعة، 9 مارس 2012

فرفوتتي


حبيبتي
اسمع صوتك كل دقيقة
حتى ان كل ذكرى جمعتنا اعيش عليها واعيش على امل ان اراكي
والله يا عمري
احبك احبك احبك
مشاعري واحاسيسي لكي وحدك
قلبي مسكنك
عقلي هو سريرك
كياني هو وطنك
روحي هي حارسك
حبيبتي
والله هذا الكلام نابع من قلبي

اكون سعيدا جدا لسماع صوتك في كل حالاتك
وانتي تضحكي
وانتي تبكي
وانتي تغني
حتى عندما تحتدين علي في كلامك وتتهميني بعدم اهتمامي بكي
والله اني احاول ان اشتاق اليكي
اعذريني فانا لا اشتاق اليكي
وكيف اشتاق وصورتك هي خلفية حاسوبي وموبايلي وصورتك ايضا هي منارا حينما اسير بالطرقات انظر اليها واتجه نحوها فيرميني القدر الى كل امكنة الخير والسعادة
حبيبتي اتعرفين اني ارى صورتك على وسادتي
اتعرفين اني اراها في فنجان قهوتي
اتعرفين اني ارى صورتك في وجهي
اتعرفين سيعجز العاشقون وان سعوا ان يعرفوا طريقة عشقي لكي
سيعجز الاحبة ان يتعلموا كيف احببتك
ساعجز انا ايضا كي ادري كيف صادفت ارق انسانة
ضاقت بي السبل كثيرا ولكني كنت دائما متفائلا
اعرف ان الله يخبئ لي ما هو افضل
حبيبتي خسرت اشياءا كثيرة منها تجارتي

منها اصدقاء عرفت فيهم الكذب ففارقتهم
او هم فارقوني لما رأوا اني لست مناسبا كي اكون صديقهم لقلة حيلتي
حبيبتي اما الان ومنذ ان رايتك لاول مرة
والله ياعمري بحثت عنك بكل مكان اتوقع ان اراكي فيه
الى ان وجدتك واقسمت الا اتركك تبتعدي مرة اخرى او تضيعي مني
وشاء رب الكون ان اطلب يدك وتم الامر على خير الحمد لله


شاءت الاقدار ان تكون هذه بدايى حبنا
حبيبتي خسارتي كلها انني لم اعرفك منذ ولادتي
حبيبتي
هذه ليست رواية او قصيدة او شعرا فيكي اكتبه
انما احساس قلبي
صدق مشاعري
وادعو ربنا ان تكوني يا حبيبة عمري حبيبتي وزوجتي
كل كلماتك ترن في اذني
ضحكتك وصوت دمعتك
اتعرفين ان صوتك هو مؤنسي في وحدتي
اتعرفين ان حبك هو سر سعادتي
اتعرفين اني اريد ان اصارح كل شئ في الحياة بحبنا
الانس والجن والحيوانات والشجر
البحر والانهار والسهول والمطر
اريد ان اخبرهم اني عشقتك يا فرفوتتي
حبيبتي
حتى وان غبتي اظل يا عمري لكي
كلي لكي
قلبي لكي
عقلي لكي
روحي لكي
حبيبتي ابشري فقصة حبك لست فيها وحدكي
قصة حبنا ستكون اعظم قصة
لما تكونين بين ذراعي وانتي حليلتي

الخميس، 22 ديسمبر 2011

بيانات الفتاة التي تم تعريتها وصورها

بعد  اصرار تلك الفتاة التي تم سحلها على ايدي بعض الجنود 

ورفضها القاطع للافصاح عن اسمها  او نشر صورها

قام احد الصحفيين بعمل تقرير عن تلك الفتاة للجريدة 

كما قامت بعض القنوات الفضائية بمحاولات عديدة للوصول لتلك الفتاة 

وكان اهم من اقترب من تلك الفتاة هو صحفي بجريدة البديل وهو الصحفي حسن محمود

اللي كان بيسألها عن بعض التفاصيل  وفوجؤا باقتراب الجنود ناحيتهم ولما تاهبوا للفرار تعثرت الفتاة

فقاموا بسحلها وما ان قام بالدفاع عنها قاموا يضربه هو الاخر

و ذكر ايهاب حنا وهو الشاب القبطي الذي دافع عن تلك الفتاة وقام الجنود بضربه بالرصاص في ساقه

وذكر انها فتاة محجبة

ونذكر هنا 

اسم الفتاة والتي تم تعريتها   


هي مصر  وهذه هي صورتها

وعلى الرغم من كدة اتمنى ان تنتهي الاعتصامات حتى نعبر لبر الامان


عزة هلال وعزة مصر

بسم الله الرحمن الرحيم

موضوعي عن الاحداث الاخيرة لاعتصام مجلس الوزراء

اولا مصر لازم تتحرك خطوة واحد للامام والا مفيش وراها غير حفرة كبيرة لو وقعت فيها هنضيع كلنا

طب ازاي وكل يوم في ناس بتتظاهر والجيش بيقتل فيهم

لحظة تعالوا نحسبها شوية

انا واحد من اللي نزلوا الثورة هتفت يسقط النظام ويسقط حكم العسكر اتضربت واتروقت ومن كتر ما شميت غاز مسيل للدموع حسيت اني هدمنه    ما علينا

نزلت كمان مليونية المحاكمة    ليا اصحاب من 6 ابريل  والاخوان والسلفيين ومن كل اتجاه  وليا اصحاب نصارى

كلنا مصريين

لكن في حاجات غلط اوا انا شايف انها غلط هي لازم تتعمل لكن مش وقتها

يعني مثلا الاعتصامات اللي بتحصل كل شوية رغم انها في الاخر بتنتهي بضحايا وخطوة المجلس بياخدها زي مثلا اخر مرة تحديد الحد الاقصى للاجور

الاعتصامات دي مهمة جدا لكن ده مش وقتها لانها بتعطل الحركة مش هتودينا في حتة دي ممكن ترجعنا اكتر من خطوة لورا

دلوقتي احنا لازم نلتزم بحاجة  
  
ننتظر انتهاء الانتخابات ونفكر بعد كدة في انتخابات الشورى اللي ملوش اي لزمة وبعدين انتخابات الرئاسة

باذن الله لما مصر يبقى ليها رئيس منتخب جديد

هتسترد عافيتها واحدة واحدة بعد كدة نبدا نفكر في محاكمة الحرامية اللي في طرة

مطلوب ان محدش يعمل فتنة 

اي نعم اللي حصل من الجنود ده جريمة لكن للمعتصمين الشرفاء ليه تبقوا مع بلطجية وحرامية اللي حرقوا الممتلكات العامة

البنت اللي اتسحلت دي رغم اني بعارض وقوفها واحتكاكها بالجيش حتى لو كانت طبيبة ميدانية وحتى لو كانت الف وحشة

انا زعلت جدا عليها

انا مش لاقي كلام اقوله لان بصراحة قرفان مش فاهم ومش عارف ومش متأكد

انا صح ولا لاء

في ختام كلامي

دعائي لجميع من فقدوا ارواحهم فداء للوطن

اللهم اجعلهم في منزلة الشهداء

ولكل مصابي الثورة  

اللهم اتم شفائهم

وللبنت اللي اتسحلت 

انتي مهما كنتي انتي اشرف من الشرف



وللبطل النصراني اللي دافع عنها

تعيش يا بطل

الجمعة، 14 أكتوبر 2011

يا عم المسيحي

سؤال دايما محيرني

هو ليه المسيحين اللي في مصر لابسين اسود  وحاسين ان مصر دي كانت بتاعتهم ولمال الاسلام دخل مصر المسلمين اخدوا مصر منهم

يعني انا علشان مسلم ابقى كاني محتل مصر او مستوطن

طب تعالوا بالعقل شوية

مصر دي اصلها ايه.......؟

فرعوني  وسيدنا موسى مهد رسالته كانت في مصر

يعني اذن مصر كانت

اولا اهلها يعبدوا الاصنام  او الشمس

بعد كدة بقت يهودية  لما سيدنا موسى كان هنا في ناس اممنت بيه

تمام

ولما  ارسل  المسيح  اكيد مصر بقى فيها ناس مسيحين  

واليهود ايامها عذبوا المسيحين عذاب رهيب  كانوا بيشقوهم نصين بالسيف وغيركدة كتير  
  
لان في اعتقادهم ان المسيحين جايين ياخدوا بلدهم منهم

طب استنوا ما اسال جدي

انا اكيد  ليا جد فرعوني  يعني مكانش بيعبد غير الاصنام

واكيد كان ليا جد يهودي  وطبيعي يكون ليا جد مسيحي

طب ااستنوا كدة 

بالورقة والقلم وحقي وحقك

لو البلد دي بتاعت الفراعنة اصلا فمعلش انا مسلم وليا فيها من جدي حميدو حتب  جدي الفرعوني الكبير من الاسرة ال 14 

ولو البلد دي بتاعت اليهود  فمعلش انا مسلم وليا حق فيها من جدي حميدو يديعوت جدي اللي كان يهودي

ولو كانت مصر بتعات المسيحين  فمعلش برده انا مسلم بس ليا فيها حق من جدي  حميدو جورج  اللي كان مسيحي

ولما جدي الفرعوني خلف جدي اليهودي اللي خلف جدي المسيحي اللي خلف جدي المسلم اللي انتهى المطاف بيا

عارفك بتحب الجدل

لو انا من اصول مش مصرية من اللي وصلوا مصر يفتحوها

يا سيدي اكيد ليا واحد من جدودي  اتجوز من مصرية برده ليا حق

عارف لو انا من اصل هندي  

انا اتولدت على ترابها ونيلهخا بيجري في دمي  وفولها معشش في عقلي

معلشش مصر زي ما هي بلدك هي بلدي

الأربعاء، 5 أكتوبر 2011

ازاي تحط صورتك على رغيف العيش

مسا\ؤ  الورد عليكم

النهاردة هقدملكم درس جديد وحصري وعجيب

وهو طريقة وضع صورتك على رغيق العيش


بالخطوات والطريقة  والمواد المستخدمة

فقط وحصري عند ابويا في استديو مونا ليزا

المواد المستخدمة

1/ رغيق عيش ابيض او اسمر

2/ صورتك او الصورة اللي هتستعملها

3/ عسل او مربى

4/  مقلاية او حلة


طريقة اللتحضير


اولا هتجيب الرغيف وتحطه في المقلاية او الحلة


تاني حاجة  ادلق كل العسل او المربى على الرغيف  ومش مشكلة لو اخدت لحسة

  بعدين هتجيب الصورة اللي انت هتعملها  وتقوم لاطعها على الرغيف اللي عليه مربى او عسل


وبعيد هتسيبه اربع ايام لحد ما الرغيف ينشف ويألحف  والصورة تلزق متسيبوش

واخيرا هتلاقي صورتك بالمنظر ده



وابقوا قابلوني في شارع عبد الرحمن


الثلاثاء، 27 سبتمبر 2011

تجربتي مفيدة جميلة متحورة




انا عن ذات ذاتي ذاتي  حصلتلي تجارب كتيرة جدا بس الحمد لله بطلع من اي تجربة بفايدة

يعني مثلا

انا قررت في يوم اني افتح ورشة  وبالقرار ده واجهت تحديات كتير جدا

ناس كتير اعترضت و ونصحوني باني معملش المشروع ده

بس انا اصريت والحمد لله فتحت الورشة

لكن الناس مسابونيش اكمل واشوف انا هنجح ولا لاء

ناس اقترحوا عليا اني افتح الورشة بس اشتغل في شغلة عشان اقدر اجيب مصاريفي

بالحاح الناس ولاني سيبتلهم وداني يزنوا فيها

عملت زي ما نصحوني

بقيت اشتغل طول اليوم من الساعة 9 الصبح ل 9 بليل في محل موبليا

ومن 9 بليل ل 2 الصبح في ورشتي

والمسافة من المحل لورشتي كانت بالظبط حوالي 6 كيلو

طبعا مبقتش قادر ادي في اي واحدة منهم

بصحى الصبح مش قادر اشتغل

وبروح ورشتي مش شايف قدامي

فضلت ورشتي تخسر لاني طبعا مش واقف فيها

وانا كمان كنت بخسر  صحتي بقت في النازل

كنت  مهدود دايما

حتى القهوة وقعدتي مع اصحابي  كل يوم خميس وجمعة  بقيت محروم منها

لاني كنت بشتغل كل يوم حتى الجمعة

اليوم الوحيد اللي كنت بتغدى فيه في البيت برده اتحرمت من اني اتغدى مع امي وابويا واخواتي

لاني بشتغل حتى يوم الجمعة

فضلت على الحال ده  7 شهور

من يوم 1/6/2010

لحد  يوم 4/2/2011

بالظبط

والحمد لله على كل شئ

اي نعم انا خسرت فلوس كتير جدا

خسرت حلمي   خسرت التحدي اللي حطيت نفسي فيه  خليت الناس تقول اني اهو مقدرتش اكمل

بس استفدت حاجة واحدة من كل ده

اني لو بدأت مشوار بخطوة محطش رجلي في سكة تانية لان  مش هقدر اكمل غير في سكة واحدة

وعلى راي المعلم مسعد  <<<  صاحب بالين كداب>>>

انا قلت تجربتي  وايه اللي استفدتوا منها  ده غير اني استفدت اني اول حاجة افكر فيها هي مصلحتي


الجمعة، 23 سبتمبر 2011

حميدو بيه افندي


مدون الكتروني ناشط 
الاسم الحقيقي محمد احمد عبد الحميد محمد السيد عبد الهادي الزهيري 
ولد بمحافظة دمياط قرية السيالة وقاطن حاليا بقرية شطا
عمل مع والده الذي يملتك استديو في مجال التصوير <استديو موناليزا>
تخرج في كلية التربية وحاصل على ليسانس الاداب والتربية قسم مواد اجتماعية
يعمل حاليا في تجارة الاثاث بشارع عبدالرحمن
بدأ التدوين من خلال المنتديات العامة واشتهر بخفة ظله ومحاربته للظلم وكشف الفساد في كثير من القضايا
تعرض للايقاف من اكثر من موقع بسبب ارائه التي كادت ان تدخله السجن
من اشهر مواضيعه < لو لم لكن مصريا كان يبقى اشطة اوي>
<مصر دي مش امي مصر مرات ابويا> <رسالة لابو علاء>  
ثم قام بانشاء مدونة باسم بلكونة وهي مدونة تهتم بكافة القضايا والمواضيع
ويعد حميدو من البارزين فس قضية مباراة الجزائر حيث تولى واهتم باظهار ما حدث للعالم كله عن طريق انضمامه لمنتديات امريكية واوروبية من قبل الجزائرين
ولكن بعد ان تبين له انها مكيدة تولى ملف الاخوة بين الشعبين
شارك حميدو في ثورة الخامس والعشرين بدءا من جمعة الغضب 28 يناير 2011 الى يوم التنحي
كتب الكثير من الاشعار منها الثوري  والرومانسي  والحلابنتيشي
من اهم اشعاره الثورية  < في الطابور بهتف باسمك>  < يا مصري فين ماتروح>  <يا حكومة>
<من قلب مصري> <ناس بين يوم وليلة>  < اه يا بلد>  <فاتت سنين وانا بخدعك>  <معلش يا مصر يا امي>
ومن اشهر اعماله الرومانسية  <ليه تبعد>  <الويل لي> < هروح وانساك>


ومن اعماله الحلابنتيشي  < سهرت الليل على القهوة>  < ولقد جرحتني>  <مجرور الاحزان>


هذا واكثر تجده على مدونة بلكونة
http://balacona.blogspot.com/

سامحيني يا مصر

بداية


انا وانت وانتي 


اكيد في يوم قبل الثورة  كنا وصلنا لدرجة اننا بقينا كارهين البلد دي


انا عن نفسي سنة 2008  في منتدى اسمه منتدى غرامي  كتبت موضوع  اسمه << لو لم اكن مصريا كان يبقى اشطة اوي>>


كتبت فيه عن اني مبقتش قادر اعيش في البلد دي اوني لو دخلت الجيش مش  هبقى متحمس وانا بحميها بس لو دافعت هدافع عن نفسي في بلد ما بتدافعش عني
ومش لاقي فيها حقوقي


وفي نفس السنة ونفس المنتدى


كتبت موضوع تاني اسمه << مصر دي مش امي مصر مرات ابويا>>


قلت فيه اني اول ما اخلص دراستي هسيب البلد دي بقرفها  كنت وقتها في كلية تربية قسم مواد اجتماعية


وكنت دخلت انتخابات اتحاد الطلبة  وفي اليوم اللي قالوا انه هيتم فيه تقديم الورق للترشيح كانوا بيعلنوا رئيس اتحاد الطلبة


وقتها قفايا وجعني اوي  لاني كان نفسي في اني ابقى رئيس الاتحاد ليه معرفش


قلت للي في الاتحاد انا رايح لرئيس الجامعة 


وقتها عملولي اسرة  وكانت المنافس لنشاطات اتحاد الطلبة دايما


ورغم كدة انا مكنتش راضي عن حالي  ومكنتش بفكر غير في حالي مش في حال البلد لاني كنت يائس انها تتغير


وبعد شوية مواضيع من النوعية دي  بقيت معروف باني معارض لمصر مش للفساد


انضميت لموقع تاني اسمه شقاوة   وفيه كنت مشرف لقسم السياسة  وعملت موضوع متجدد اسمه <<اخبارك في عصر مبارك>>


الموضوع ده كل مرة بكتب فيه عن احوال البلد والفساد الي فيها


بدأت احس ان انا وغيري اللي ممكن يكون لينا رأي ورد فعل   نقدر نرجع بيه حقوقنا


ساعتها عملت مدونتي  بلكونة  


وكنت بكتب اشعاري الحلبنتيشي   وفجأة لقيت نفسي بكتب اشعار وطنية في حب البلد دي


كان بيجيلي دعوات كتير ليوم الغضب وجمعة الغضب


وبصراحة كنت فاكر انها مجرد وقفة واحتجاج وخلاص على كدة


ولان ظروف شغلي  متسمحليش اني اسيب شغلي واروح مظاهرة  ماشتركتش في يوم الغضب 


لحد يوم الجمعة ما شوفت العنف والقتل من الشرطة ققرت ساعتها اني اكون في الميدان


ومن يوم الجمعة وليوم تنحي مبارك كنت في الميدان  ونزلت يوم 8 يوليو


لكن دلوقتي انا بفضل اني اشوف شغلي وده افضل للبلد


واتمنى اننا كلنا ننسى المطالب الفئوية دلوقتي لحد ما بلدنا ترجع لقوتها


وعلى فكرة انا الوحيد اللي كان هيضرب تاني يوم موقعة الجمل بس في واحد ابن حلال انقذني


على فكرة الميدان الللي اقصده هو ميدان الساعة في دمياط


لاني محصليش شرف اني روحت التحرير


على كل حال 


ببعت رسالة لمصر 


انا كنت فاكر انك اللي بتظلميني  وانتي اللي عيشتي تشيلي همك وتشيليني


دلوقتي يا امي انا بستسمحك انا برده ابنك يا مصر وصورتك ساكنة عيني


ســـــــــــــــــــــــــــــــــــــــــــــــــــــــــــــــا مــــحـــــــــــيــــــــــــــــــنـــــــــــي

الأحد، 18 سبتمبر 2011

يا منال القلب


ماذا لو ارادوا ان يفرقوا بيننا
وليعلموا انهم لو مزقوا قلبي 
سيجدوا بين خلاياه حبك
ولو اخترقوا عيناي لن يروا الا صورتك
فلتتيقني ان قلبي ليس بالذي يخدعني فحبك ااهم عندي حتى من انفاسي
ولتعلمي انني لم اخدعك فقد امتلكتيني
ولتعرفي انني اخجل ان احادثك فانتي الان مصدومة
ولتتأكدي انني برئ من ظنونك واني احبك احبك احبك

الأربعاء، 14 سبتمبر 2011

الشيطان يكمن في التفاصيل

ساعات لما بنتكلم كتير بنغلط

علشان كدة لما نيجي نتكلم في موضوع   ياريت مندخلش في التفاصيل

اولا التفاصيل مضيعة للوقت  
ثانيا من التفاصيل ممكن نغلط

يعني مثلا بتحي لحد عن حاجة كنت عملتها زمان  

لو حكيت عن ظاهر الموقف  ممكن يبان على انه موقف عادي و محدش ياخد باله انك غلطت مثلا او عملت حاجة غلط  <<محدش يفهمني غلط>>

اما اذا دخلت في التفاصيل  فاكيد هتلاقي نفسك بينت حاجات ممكن تخلي  شكلك وحش

الموضوع مش محتاج كلام

لان ببساطة ومن غير الاطة

<<الشيطان يكمن في التفاصيل>>

انا خلصت

الثلاثاء، 13 سبتمبر 2011

حذاري من الشفقة

اذا احببت شخصا وتركك ورحل
وراّك الناس ودموعك قد وارت عيناك
فحذاري من الشفقة

اذا كنت قويا وفجأة صار حالك الى الضعف
وراّك الناس وقد خارت قواك
فحذاري من الشفقة

اذا كان السرور ملازما لك كظلك
وفجأة تسرب اليك الحزن وملأ كل حياتك
وراّك الناس والهم يثقل كتفيك
فحذاري من الشفقة

اذا كنت ناجحا في حياتك
وفي لحظة ضعف اصابك الفشل
وراّك الناس وانت منكسر
فحذاري من الشفقة

واخيرا

اذا علمت يوما ان شخصا ما يتقرب اليك
او يهتم بك
لظروف قد حدثت لك
او مرض مررت به
فحذاري من الشفقة

واذا كتبت موضوعا ما لامس احاسيسك
وراّه الناس ولم يهتموا
فحذاري من الشفقة

الأحد، 7 أغسطس 2011

لولا الاحتلام لظل واقفا وما نام

من اعظم النعم التي من الله على الانسان

وخاصة في سن ما قبل الزواج

حيث ان معظم من هم في سن المراهقة ومراحل الشباب المختلفة تزداد لديهم الشهوة الجنسية

ويصبح لديهم مكنون شهوي مما يرونه في الشوارع من تبرج وفساد اخلاقي

كما ان مرحلتهم وطبيعة الحياة تجعل الشاب اكثر تفكيرا في الجنس ومتى سيتزوج  ويرسم صورة لفتاة احلامه وغالبا ما تكون شخصية واقعية

وهنا نرى عظمة النعم التي من الله بها على الرجل

وهي نعمة الاحتلام


الاحتلام عبارة عن المني المتكون والمتجمع عندما تزيد كمياته عن قدرة الحوصيلات المنوية في الاستيعاب فيتم قذفها خارج الحويصلات ويكون ذلك فترة النوم ويكون مصاحبا ببعض الأحلام، ولكن الامتناع يكون بإرادة الإنسان والاحتلام هو عملية ميكانيكية يتخلص فيها الجسم من الزائد من إنتاج المني في الحويصلات.

قال تعالى (وإذا بلغ الأطفال منكم الحلم فليستأذنوا كما استأذن الذين من قبلهم كذلك يبين الله لكم اياته والله عليم حكيم) سورة النور آية 59.
عندما يبدأ الشاب الدخول في سنوات البلوغ يزداد إفراز هرمون الذكورة التسترون وخاصة أثناء فترة الليل ويؤدى ذلك إلى تحفيز الخصيتين في بداية إنتاج الأمشاج المنوية و بالتالي حدوث الاحتلامالتلقائي أثناء النوم ويعرف الشاب هذا الأمر إما بالإحساس أو إذا وجد آثار الاحتلام على ملابسة الداخلية عند الاستيقاظ من النوم فعندها ينبغي على الشاب المسلم الاغتسال غسل الجنابة حيث يقوم أولا بالاستنجاء وغسل القبل والدبر كاملا ثم يتوضأ وضؤ عادى ثم يبدأ بصب الماء على رأسة وجسده كاملا ويحاول أن يوصل الماء إلى جميع أجزاء جسمه دون وسوسة أو تكليف و إذا كان به أذى في رأسه أو لم يجد ماء أو كانت الليلة باردة ولم يجد ما يسخّن به الماء فله أن يتيمم حتى يزول س بب عدم الاغتسال بالماء
 الاحتلام عند الرجال فقط بحسب علمي، ويقابله عند الفتاة فترة الحيض. ويقتصر الاحتلامعلى الذكر.
ويرافق الاحتلام أحيانا إحساس بالشهوة حتى وهو نائم، وقد يقذف الرجل المني وهو نائم بدون أن يشعر، فيستيقظ صباحا ليرى آثار الاحتلام على ثيابه .

السبت، 23 يوليو 2011

تـــاخــده ولا تــعــيــط



مساؤ الورد عليكوا يا حلوين

موضوعي النهاردة موضوع حساس زس ما شوفتوا العنوان حساس يبقى الموضوع حساس

وهو ان في سؤال لازم تسأله لنفسك

لو جالك ظرف واللي بيديك الظرف قاللك الظرف ده اما في حاجة حلوة ليك تفرحك او في حاجة وحشة

هتضايقك

وممكن تاخده وممكن ترفض تاخده

ساعتها ياترى هتاخد الظرف ولا هتخاف انه يكون في حاجة وحشة

بس بشرط لو رفضته هيتفتح قدامك وهتعرف كان فيه ايه

المقصد من كلامي

ان اي تصرف بنعمله زي الظرف ده تمام ممكن يوديك لنجاح او يوديك لفشل

لكن غالبا النجاح بيتطلب المجازفة لان الجرئ ليه مية طريق

انما الي بيخاف ده بيقتل جواه طموحه

الخسارة مش وحشة كليا لانك بستفيد منها
ويتعدل سلوكياتك وطرق تجربتك بعد كدة



فكر وجاوب