الجمعة، 15 يونيو 2012

كان ما بينا


كان ما بينا احلى قصة حب 
قول بتبعد عني ليه بالشكل ده
قلت هنساك بس لسة ليك مكان في القلب
والغريب معرفش مين فينا بالبعد ابتدى
بس لما جيت عاتبتك قلت انك مش هتنسى
وانها بس الظروف بس بعدك زاد وفاق ابعد مدى
وابتديت من تاني ادور ايه اللي خلاك عني تبعد
واكتشفت ان انت فاكر اني كنت بخدعك
وان قلبي في لحظة ممكن يمشي قبل ما يودعك
بس في الحالتين بتظلم خسارة ماقدرت امنعك


الجمعة، 8 يونيو 2012

متقولش على الثورة غلط



متقولش على الثورة غلط



حقك مجاش غير بس بيها





طب كنت سايب ليه حقوقك





وقلت لاء دي مش مصر امي





يارتني ما اتولدت فيها


دلوقتي جاي وعاملي وطني 


تشتم اللي باس ايديها





عشان يرد جميلها ليها


وفاكر انك بس مصري



والشهيد وابن الميدان 



باعها  عمره ماكان شاريها

الخميس، 7 يونيو 2012

يا جمهورية على الورق

يا جمهورية على الورق وفي الحقيقة انتي شعب بيتحرق

يا مبنى  عالي   للسحاب   ملوش  اساس اصله اتسرق

يا صرخة المظلوم لما يحس انه اتخنق

يا ضحكة المهموم لما يفيض بيه ويتزنق

يا بحر كله هموم انا فيكي حاسس بالغرق

يا قلب ام حزين   يا ضهر اب  انكسر بيجري عالمساكين

يا فرحة الصبيان بالعيد علشان فيه لبس جديد

يا لمة الاصحاب  على القهوة بلا مواعيد