مجرور الاحزان

قبل ما اشوفك يا حبيبي

ولا يوم عرفت ان انا انسان

وكنت عايش يا حبيبي

غرقان في مجرور الاحزان

وكنت دايما متضايق

مبشوفش مالفرحة دقايق

مزاجي زفت ومش رايق

من الدنيا ومن الناس قرفان

انا عاوز ابقى سلبي

في انتخابات ٢٠١٠ لمجلس الشعب 

قررت اني مش هشارك

لاني عارف النتيجة مسبقا بانها كانت هتتزور

فكتبت الكلمتين دول

ريح بالك يا قلبي

انا عاوز ابقى سلبي 

مين فيهم لما ينجح

في الشدة هيبقة جنبي

مش هدي لحد صوتي

وهلتزم سكوتي

يا مصري فين ما تروح

يا مصري فين ما تروح

صوتك مبقاش منبوح

رجعت حقك بايديك

يباركلك الله يحميك

كررها بعلو الصوت

صدقني مش هتموت

لسكوتك يجني عليك

دالجبن طبع مش فيك

وصلها لكل مسئول

ولكل مواطن بيقول

انه بيحب البلد دي

علشان الازمة دي تعدي

لا للفساد لا للغلط

احنا ولاد ناكل الزلط

نقف لكل معتدي او مرتشي

واللي ضميره شفتشي

واللي بلط ولا يختشي

الكل يمشي في سكته

ويأدي كل مهمته

بلدنا مش هتتغير

غير لما احنا نتغير

بايدينا نقدر نطور

نبني ونشيد ونعمر

احلامنا اكيد تتحقق

لكن في الاول نصدق 

اننا ننزل اعمالنا 

ونباشر كل اشغالنا

ناس بين يوم وليلة

ناس بين يوم وليلة

امبارح ضد الثوار 

بيحاربوهم ليل ونهار

بيقولوا للظلم امحيهم

وكب عليهم مية نار

واما لاقونا  بقينا القوة 

صوتنا مسمع برة وجوة

دلوقتي عاملين حبايبنا

انسوا خلاص مبقاش اعذار

كانوا عارفين الحق معانا

لكن صوت الظلم عمانا

بس الحق مسيره هيرجع

لاصحابه بعزم واصرار

بايدينا كسرنا الاغلال

وعدينا من الظلم جبال

كان لازم نبدأ ثورتنا

قبل ما يجرفنا التيار

حققنا اكتر مطالبنا

وده معناه ان احنا كسبنا

مصر بلدنا رجعت لينا

رجعت بايدين الاحرار

دلوقتي نفكر في بلدنا

علشان مستقبل اولادنا

نرجع ونباشر اعمالنا

علشان يكمل المشوار

مش وقت مطالب فئوية

نمسح من روحنا الانانية

نتعاون ونكون ايد واحدة

هنعيش في امان واستقرار

نرجع بقى ونشوف مصالحنا

انتاجنا هيصبح لصالحنا

هنطور وهننتج اكتر

مصر بلدنا هتبقى عمار

الشيطان يكمن في التفاصيل

ساعات لما بنتكلم كتير بنغلط

علشان كدة لما نيجي نتكلم في موضوع   ياريت مندخلش في التفاصيل

اولا التفاصيل مضيعة للوقت  

ثانيا من التفاصيل ممكن نغلط

يعني مثلا بتحي لحد عن حاجة كنت عملتها زمان  

لو حكيت عن ظاهر الموقف  ممكن يبان على انه موقف عادي و محدش ياخد باله انك غلطت مثلا او عملت حاجة غلط  <<محدش يفهمني غلط>>

اما اذا دخلت في التفاصيل  فاكيد هتلاقي نفسك بينت حاجات ممكن تخلي  شكلك وحش

الموضوع مش محتاج كلام

لان ببساطة ومن غير الاطة

<<الشيطان يكمن في التفاصيل>>

انا خلصت

سامحتك

سامحتك بس مش ناسي

جرحك يوم لاحساسي

وبعتيني وبالساهل

خلاص مبقتش استاهل

ضاع اللي كان في يوم بينا

ومات جوايا اخلاصي

اه بحبك

اه بحبك

اه بحبك

وكل ما اجي اقول بحبك تهربي

اه بحبك 

اه بحبك

قلبي عاش محتار ودورك تجربي

مين قاللك يا حبيبتي

مين قاللك يا حبيبتي

 انا من غيرك هموت

نسيانك حاجة سهلة 

وبقولها باعلى صوت

لو جت عينك في عيني

لو جت قدامي سيرتك

مش هتأثر واديني

مش فاكر حتى صورتك

علمتني فنون الحب

علمتني فنون الحب

في ميدان الغرام

علمتني كيف اكتب شعرا

ونطق الكلام

علتمني اين اكون

وماذا اريد

وكيف انا انسان

انا استفدت ايه

انا استفدت ايه

من كتر ما عرفت ولاغيت

انا استفدت ايه

دي مش بدايتي دانا انتهيت

ثبت دي وعرفت دي 

ومشيت انا مع دي ودي

ونسيت انا في اللحظة دي

ان الحياة كما تدين تدان

كما تدين تدان

اه يا بلد

اه يا بلد فيكي كل الخير وفيكي

اللي بيسرق كل زرعة عليكي

ومهما شوفنا يا بلد روحنا فيكي

ومها جيتي علينا برده نخاف عليكي

كنت عايش عادي

كنت عايش عادي

لا عرفت حب ولا دوقت الجراح

قلبي طاير من الفرح مش مكفيني البراح

وكله فل وعال العال

واللي جاي زي اللي النهاردة زي اللي عدى زي اللي راح

شوفت عنيها وغصب عني سحرتني

ومن روحي ومن نفسي ومن كل الدنيا اخدتني

ومن يومها وانا محتار

وكل ماروح اكلمها في شئ الاقيه يسكتني

لكن لازم اكلمها واعرف منها حكايتها

بس يارتني اكون فعلا بجد بقلبي حبيتها

ومتكونشي مجرد حالة من الاعجاب

وبعد يومين اقوم من نومي والاقيني كدة نسيتها

ولما خلاص انا اتأكدت

 اني لحبها استسلمت

روحت عليها ولقيتها

 فهمت قبل ما اتكلمت

وشافت شوقي في عنيا

وبانت لهفتي عليا

دا امر الحب مش امري

لا بايديها ولا ايديا

حذاري من الشفقة

اذا احببت شخصا وتركك ورحل

وراّك الناس ودموعك قد وارت عيناك

فحذاري من الشفقة

اذا كنت قويا وفجأة صار حالك الى الضعف

وراّك الناس وقد خارت قواك

فحذاري من الشفقة

اذا كان السرور ملازما لك كظلك

وفجأة تسرب اليك الحزن وملأ كل حياتك

وراّك الناس والهم يثقل كتفيك

فحذاري من الشفقة

اذا كنت ناجحا في حياتك

وفي لحظة ضعف اصابك الفشل

وراّك الناس وانت منكسر

فحذاري من الشفقة

واخيرا

اذا علمت يوما ان شخصا ما يتقرب اليك

او يهتم بك

لظروف قد حدثت لك

او مرض مررت به

فحذاري من الشفقة

واذا كتبت موضوعا ما لامس احاسيسك

وراّه الناس ولم يهتموا

فحذاري من الشفقة

جعان

جعان 

جعان ومش لاقي الامان

مليقتش من حد الحنان

ولا حد يمسح دمعتي

غريق

غريق ولسة طالع من حريق

مليقتش جنبي في يوم صديق

ولا حد يسمع شكوتي

ساعات

ساعات بتخبط فينا الدنيا

وساعات بتضيع احلامي في ثانية

وساعتها بكون محتاجلك

واتمنى لو تبقي معايا

دايما قلبي بيشتاقلك

وبيكبر حبك جوايا

ساعات عقلي بيجيب ويودي

وساعات الفرح بيقلب ضدي

وساعتها انا بسال 

لو كنتي حسيتي غرامي

واحتار انا بين ان مشاعري

دي حقيقة ولا دي اوهامي

ساعات انا بسرح فيكي

وفي صورتك وفي كل كلامك

وابدأ اتخيل وانا صاحي 

اني انا قدامك

وافضل اتكلم واتاريكي منتيش سامعاني

ولما ابدأ الفت نظرك

انا بصحى على صوت احزاني

ساعات انا ببدأ افكر في الواقع

وفي نفسي شوية

وافتكر انك ولا حسيتي 

ولا خوفتي عليا

وساعتها بقرر انساكي

ومش هبقى عليكي

واول مالدنيا تلطشلي 

ارجع واناديكي