دنيا الفلوووووووووس

اّه يازمن فيك البشر ماشيين بمليون وش
وشين خداع واونطة ووش كدب وغش
واللي معاه المال نديله احسن وش
واللي قليل الحال وسط البشر ميعشش
مهو كل حاجة في الزمن ده بتساوي كام بالقرش
وكل ده والناس واخدينها أفش
وهي حتى لو لمين الدنيا مبتقفش
طبع البشر هو كدة طول عمره متغيرش
لو حد فيها كان مفلس تلاقيه بقى شبه العو
واللي في جيبه كام جنيه على قدهم يحلو
ولحد امتا الضلمة دي امتا هييجي الضو
واللي بيمشي بمية قناع بيبقى وشه سو
بالقرب والمحبة في الكريم الحي
وشوية صبر تلقى فرجه جاي
هتعيش مرتاح ولو فيك مية علة متقولش مرة اّي
وعشان كدة عاوزين شوية صبر
ودي حاجة سهلة مش هندسة ولا حبر
هنحب بعض بالاختيار والجبر
ارزقنا يارب المحبة وارحمنا جوة القبر