مراحل صنع الاثاث بالتفصيل اللي يحرق الدم

صباح /مساء الخير يا بقلاوة
النهاردة هتكلم عن مراحل تصنيع الاثاث
بصفتي نجار الخصهالكم في كلام بسيط
اول حاجة لازم يكون عنده المكان المناسب والعدة اللي هيشتغل بيها
ودي خطوات او لوازم تصنيع الاثاث
1/النجار لازم يكون معاه رأس مال يغطي خامات الشغل من خشب وابلكاش
وحدايد ومسمار الخ
2/يروح يشتري الخشب البياض حسب عدد الغرف اللي هيعملها او بلغة النجارين هيقدمها
3/ يجيب الابلكاش ويحدد نوع الابلكاش قيمة الغرفة سواء كانت غالية التمن او شعبية
4/يجيب الخشب الزان اللي هيعمل منه الحلايا
5/ يجيب القشرة اللي الشغل هيتلزق بيها
يشوفله قشرجي نضيف واويمجي عدل زي العالم عشان الشغل يطلع مظبوط
6/ يروح المكنة يشق الخشب على المنشار وبعدين يتخنه على التخانة ويطلع عينه
وبعدين يعلم الابلكاش بالمقاسات اللي هيشتغل عليها ويروح برده المكنة يطلع عينه تاني
7/ يقطع الخشب على الصنية على المقاسات اللي الشغل عايزها زي الابلكاش ربنا يستر
8/ يكبس بقى ياسطوات ويبقى منظره غلط وملزق وحالته تغم
9/ لما الشغل يكبس وتمام يروح يرس يعني يظبط الشغل المكبوس على المقاسات بالظبط وينظفها برده افهمكوا ازاي
وبعدين يسروخ الشغل لما نفسه يتقطع ومناخيره تتسد ومتعرفلوش لون بيبقى ابييييييييييييييييييييييييض ومعفففففففففففففففففففن وبيسروخ بقى ليه افهموا بقى عشان الشغل يتلزق بالقشرة ويبقى منظره يفتح النفس وننهي بقى
10/ يروح المكنة تاني والله النجارين دول غلابة ويشق الخشب الزان ويحليه عشان يبقى حلايا واللمرة دي بقى بيطلع عينه ومناخيره وكل حاجة مباحة ممكن تطلع في اليوم ده
11/ يقفل الشغل يعني يسمر الحلايا على الشغل المكبوس
12/ يشرب الشغل يعني يظبط المسائل والحلايا يتبعها على بعضها كدة ويهز نفسه ويتحرك وينضف بقى هزها عشان تجيب رزقها
13/يقفص الكمودنيات والتواليتات والشفنيرات
ويسكك الدواليب والسراير
14/ يوقع الضلف ويفممها ويغنفرها يعني الضلف لا مؤاخذة عندينا في ضلف دكر وضلفة نتاية
الضلفة الدكر اللي بتبقى على اليمين وفيها السبيونة
والنتاية مش محتاجة فقاقة يعني اكيد الشمال
وفي بقى حاجة اسمها فم الضلفة اللي هو القايم الخشب اللي في طرفها اللي بيبقى فيه الغنفرة بيكون فم دكر واللي بيكون مفحور بيبقى فم نتاية
.................................................. ............................................
عليا الجواز من تلاتة انا عارف اني بوجع في قلبي على الفاضي الحاجات دي انا عارفها بس انتوا مش غاويين تتعلموا معلش اصلي المفروض مدرس
وفي النهاية يدروله بقى على تاجر كويس عنده ضمير زيي ياخد منه الشغل
وتوتة توتة فرغت الحدوتة وحشة ولا ملتوتة

اسهال ولا امساك

طبعا اول ما شوفتوا العنوان قلتوا جاتك الارف
كخخخخخخخخخخخخخخخخخخخخخخخخخخخخ
اصل عندي من الحاسة السادسة وانت طالع
كلنا بنحب يكون عندنا كل حاجة الفلوس الصحة ولما نتجوز يكون عندنا اولاد
والراجل فينا عاوز بنت حلوة اللي هي تكون مراته والبنت عاوز واد قصير وحلو ودمه خفيف وراجل بحق
دا مفيش فيه اي حاجة غلط
لكن لما كل حاجة بتتوفر للانسان من غير ما يتعب فيها مبيكونش ليها عنده اي اهتمام
وممكن تبقى حياته فاضية ومفيش من وراه مصلحة او حاجة مفيدة وكتير بيكون
دا الشخص اللي دماغه فاضية
وممكن يكون الانسان ده رجل اعمال او صاحب محلات كبيرة وعنده فلوس بالكومة بس عنده حد من ولاده معذبه ومطلع البلى الازرق على عينه
او صفقة متهددة بالخسارة
او مرض تعبه في حياته
او او او والانسان ده بيتمنى لو كل الفلوس اللي معاه تروح بس ترجعله صحته او ابنه يتعدل او ميخسرش شغله وغالبا ما تلاقي الشخص اللي معاه فلوس كتير ومصالحه كتير ولاعبة معاه دايما قلقان وخايف من اي غلطة وممكن كتر الفلوس والنفوذ يغروه ويخلوه يبعد عن اهله وبيته لا وممكن ينسى دينه واخلاقه ويبيع نفسه عشان عاوز اكتر
وساعات تلاقي واحد مبسوط بس معفن القرش اللي يدخل ميخرجش الا بطلوع الروح
على فكرة انا شوفت مثال على كدة واحد كان معاه فلوس كيتر بس مكنش عنده ولد ولا بنت
فدعى ربنا
وقال يارب خد كل اللي عندي وارزقني ولد والله العظيم مفيش سنة او فترة بسيطة وخسر كل حاجة بس ربنا رزقه بولد
وساعات يكون الانسان ده فقير وغلبان ومحيلتوش اللضى يا كبد امك يبني
بس يكون مرتاح البال اللي في جيبه بيكفيه والحمد لله راضي باللي قسمله بيه ربنا
ممكن يدي حد محتاج حتى لو مفيش معاه
وممكن يضل الطريق وينحرف
يسرق
ينصب او يتسول

المهم قصدي من كل ده انت تختار فلوس كتيير بس مفيش راحة بال
ولا تعيش مستور ومرتاح البال والضمير

اعرف نبيك

اللي عاوز يعرف احسن الخلق محمد صلى عليه وسلم
ممكن يتبع الرابط ده
http://www.alsiraj.net/sira/html/page00.html

http://www.saaid.net/mohamed/index.htm

احمد زويل

الدكتور أحمد زويل



ولد الدكتور أحمد زويل في مدينة دمنهور بجمهورية مصر العربية في السادس والعشرون من فبراير عام 1946, وبدأ تعليمه الأولي بمدينة دمنهور ثم انتقل مع الأسرة الي مدينة دسوق مقر عمل والده حيث أكمل تعليمه حتي المرحلة الثانوية ثم التحق بكلية العلوم جامعة الاسكندرية عام‏1963‏ وحصل علي بكالوريوس العلوم قسم الكيمياء عام‏1967‏ بتقدير امتياز مع مرتبة الشرف وكان يقيم أثناء سنوات الدراسة الجامعية بمنزل خاله المرحوم علي ربيع حماد بالعنوان ‏8 ‏ش‏10‏ بمنشية إفلاقة .بدمنهور ثم حصل بعد ذلك علي شهادة الماجستير من جامعة الأسكندرية

وبدأ الدكتور أحمد زويل مستقبله العملي كمتدرب في شركة "شل" في مدينة الأسكندرية عام 1966 واستكمل دراساته العليا .بعد ذلك في الولايات المتحدة حيث حصل علي شهادة الدكتوراه عام 1974 من جامعة بنسلفانيا .
وبعد شهادة الدكتوراه, انتقل الدكتور زويل الي جامعة بيركلي بولاية كاليفورنيا وانضم لفريق الأبحاث هناك. وفي عام 1976 .عين زويل في كلية كالتك كمساعد أستاذ للفيزياء الكيميائية وكان في ذلك الوقت في سن الثلاثين .
وفي عام 1982 نجح في تولي منصب أستاذا للكيمياء وفي عام 1990 تم تكريمه بالحصول علي منصب الأستاذ الأول للكيمياء .في معهد لينوس بولينج
وفي سن الثانية والخمسين فاز الدكتور أحمد زويل بجائزة بنيامين فرانكلين بعد اكتشافه العلمي المذهل المعروف بإسم "ثانية الفيمتو" أو "Femto-Second" وهي أصغر وحدة زمنية في الثانية, ولقد تسلم جائزته في إحتفال كبير حضره 1500 مدعو من أشهر العلماء والشخصيات العامة مثل الرئيسان الاسبقان للولايات المتحدة الامريكية جيمي كارتر وجيرالد فورد .وغيرهم..
وفي عام 1991 تم ترشيح الدكتور أحمد زويل لجائزة نوبل في الكيمياء وبذلك يكون أول عالم عربي مسلم يفوز بتلك الجائزة في الكيمياء منذ أن فاز بها الدكتور نجيب محفوظ عام 1988 في الأدب والرئيس الراحل محمد أنور السادات في السلام عام .1978
وللدكتور أحمد زويل أربعة أبناء وهو متزوج من "ديما زويل" وهي تعمل طبيبة في مجال الصحة العامة, وهو يعيش حاليا في .سان مارينو بولاية كاليفورنيا
ويشغل الدكتور أحمد زويل عدة مناصب وهي الأستاذ الاول للكيمياء في معهد لينوس بولينج وأستاذا للفيزياء في معهد .كاليفورنيا للتكنولوجيا ومدير معمل العلوم الذرية
أبحاث الدكتور زويل حاليا تهدف الي تطوير استخدامات أشعة الليزر للإستفادة منها في علم الكيمياء والأحياء, أما في مجال الفيمتو الذي تم تطويره مع فريق العمل بجامعة كالتك فإن هدفهم الرئيسي حاليا هو استخدام تكنولوجيا الفيمتو في تصوير .العمليات الكيميائية وفي المجالات المتعلقة بها في الفيزياء والأحياء

الحب طأطأ جوايا

الحب طأطأ جوايا
والجرح بقع على صدري
والدنيا مش ماشية معايا
مبنامش وتصحيني بدري
ودموعي مش بتسيب عيني
والفرح من قدامي يجري
انا اللي فرحي بيجرحني
مبقتش حاجة تريحني
حتى اللي قلت عليه دا حبيبي
ضحك عليا وسوحني

وانا وياك

وانا وياك ليه يا حبيبي بيجري الوقت
ببقى معاك قلبي يقوللي ان ليك اشتقت
وانا من غيرك بلقى الجنة في بعدك مر
قلبي اسيرك وقدام غيرك عايش حر
قوللي بحبك قبل ما بينا يفوت العمر
خدني في حضنك خلي الفرحة علينا تمر

ماذا لو كانت امي

في وشوش الناس حكايات فيها الفرح فيها اهات
فيها الي ما بيتنسى فيها الي عدى ومر وفات


بين كل شارع وشارع حكاية

وبين كل بيت وبيت قصة

وبين كل انسان وانسان عبرة


في واحد بيجري رايح الشغل عشان يسدد الاقساط الي عليه
ويصحى من الفجر ويرجع بيته الساعة 12 بليل عشان 10 جنيه


وفي واحد بيصحى العصر يروح النادي يلعب ويبعزق في الفلوس شمال ويمن


دا مش موضوعنا


دي ارزاق واقدار


من عند الله له حكمة فيها محدش يقدر يعترض او يقول ليه

عارفين ليه مينفعش نقول ليه
عشان كل واحد مننا ليه اربعة وعشرين قيراط

وربنا العادل سبحانه بيدي لكل واحد الاربعة وعشرين قيراط بتوعه


اللي معهوش فلوس عنده ولد واتنين وتلاتة وربنا يخلي

والي معاه الفولس ممكن يكون نفسه في طفل ومش قادر بقلوسه يعمل حاجة

دي مش كل حاجة لاء

ممكن يكون معاه فلوس
واولاد لكن الصحة في النازل ربنا ما يزيل نعمة الصحة من اي حد يارب



المهم



انا عاوز اقول حاجة واحدة
قصص وعبر لازم كل واحد او واحدة يعتبر بيها


امبارح وانا خارج من صلاة المغرب لقيت واحدة ست في سن ال 45 قاعدة بعد الجامع بشوية وشكلها زي امي وامك والستات اللي تحس فيهم بالطيبة والرضا

المهم لقيتها زي متكون بتدوخ

مخدتش في بالي وروحت المحل عادي روحت اجيب حاجة وانا راجع
لقيتها مقلوبة على وزشها على الرصيف ومغمى عليها

جريت بسرعة حاولت افوقها ولما فاقت والحمد لله

قالتلي بصوت مريض هاتلي مية بسكر


واحد ابن حلال جاب مية بسكر بسرعة

وبعدين لما رجعت لوعيها بصت لوشونا اللي كنا حواليها مش عارفة هي فين ولا في ايه ولا ايه اللي جابها هنا

سالتها انتي منين يا حاجة قالتلي انها من محجافظة تانية بدون ذكر الاسماء

المهم كانت رايحة لواحد قريبها في محافظة تالتة وملقتوش وقالولها انه ساكن في المحافظة اللي انا فيها اللي هي دميااط

ولما تعبت من اللف عليه حجالها غيبوبة السكر وداخت

المهم عرفنا قصتها وساعدناها بفلوس وروحناها لبلدها
المهم الناس اللي كانوا موجودين اتقسموا فريقين
ان الست دي تستحق نساعدهاوناس بتقول انها بتمثل ودي حركة نصب
لكن انا عن ذات ذاتي نقتنع باللي عملناه ولازم كنا نعمل كدة
تخيلت لو كانت امي المريضة بالسكر اللي انا جيبتهولها بالاضافة للضغط على حد قولها
تخيلتها لاقدر الله حصلها كدة في حتة محدش يعرفها وكانت لوحدهاهل حد هيقف جنبها
مع العلم ان في ناس كانوا قاعدين والست دي مغمى عليها ولا كأن حاجة
الست دي دموعها اللي خلتني اكتب عنها وعلى فكرة انا اللي لميتلها الفلوس من الناس اللي حوالينا واقسم بالله انا عمري مطلبت من اي حد فلوس غير لما تكون حقي
معرفش ازاي الجرأة دي جاتلي
السؤال دلوقتي انت وانتي لو في الموقف ده هتعمل ايه..؟
مش هديكوا اختيارات
لكن قبل ما ترد افتكر حديث النبي عليه الصلاة والسلام او فيما معناه<< انما الاعمال بالنيات وانما لكل امرئ ما نوى الجزئية دي من الحديث لازم نطبقها في حياتنا لكن بالنية الصادقة
وافتكر كمان ان من فرج عن مؤمن كربة من كرب الدنيا فرج الله عنه كربة من كرب يوم القيامة
انا خلصت كلامي لكن مستني كلامكم وردكم