الشيطان يكمن في التفاصيل

ساعات لما بنتكلم كتير بنغلط

علشان كدة لما نيجي نتكلم في موضوع   ياريت مندخلش في التفاصيل

اولا التفاصيل مضيعة للوقت  

ثانيا من التفاصيل ممكن نغلط

يعني مثلا بتحي لحد عن حاجة كنت عملتها زمان  

لو حكيت عن ظاهر الموقف  ممكن يبان على انه موقف عادي و محدش ياخد باله انك غلطت مثلا او عملت حاجة غلط  <<محدش يفهمني غلط>>

اما اذا دخلت في التفاصيل  فاكيد هتلاقي نفسك بينت حاجات ممكن تخلي  شكلك وحش

الموضوع مش محتاج كلام

لان ببساطة ومن غير الاطة

<<الشيطان يكمن في التفاصيل>>

انا خلصت

سامحتك

سامحتك بس مش ناسي

جرحك يوم لاحساسي

وبعتيني وبالساهل

خلاص مبقتش استاهل

ضاع اللي كان في يوم بينا

ومات جوايا اخلاصي

اه بحبك

اه بحبك

اه بحبك

وكل ما اجي اقول بحبك تهربي

اه بحبك 

اه بحبك

قلبي عاش محتار ودورك تجربي

مين قاللك يا حبيبتي

مين قاللك يا حبيبتي

 انا من غيرك هموت

نسيانك حاجة سهلة 

وبقولها باعلى صوت

لو جت عينك في عيني

لو جت قدامي سيرتك

مش هتأثر واديني

مش فاكر حتى صورتك

علمتني فنون الحب

علمتني فنون الحب

في ميدان الغرام

علمتني كيف اكتب شعرا

ونطق الكلام

علتمني اين اكون

وماذا اريد

وكيف انا انسان

انا استفدت ايه

انا استفدت ايه

من كتر ما عرفت ولاغيت

انا استفدت ايه

دي مش بدايتي دانا انتهيت

ثبت دي وعرفت دي 

ومشيت انا مع دي ودي

ونسيت انا في اللحظة دي

ان الحياة كما تدين تدان

كما تدين تدان

اه يا بلد

اه يا بلد فيكي كل الخير وفيكي

اللي بيسرق كل زرعة عليكي

ومهما شوفنا يا بلد روحنا فيكي

ومها جيتي علينا برده نخاف عليكي

كنت عايش عادي

كنت عايش عادي

لا عرفت حب ولا دوقت الجراح

قلبي طاير من الفرح مش مكفيني البراح

وكله فل وعال العال

واللي جاي زي اللي النهاردة زي اللي عدى زي اللي راح

شوفت عنيها وغصب عني سحرتني

ومن روحي ومن نفسي ومن كل الدنيا اخدتني

ومن يومها وانا محتار

وكل ماروح اكلمها في شئ الاقيه يسكتني

لكن لازم اكلمها واعرف منها حكايتها

بس يارتني اكون فعلا بجد بقلبي حبيتها

ومتكونشي مجرد حالة من الاعجاب

وبعد يومين اقوم من نومي والاقيني كدة نسيتها

ولما خلاص انا اتأكدت

 اني لحبها استسلمت

روحت عليها ولقيتها

 فهمت قبل ما اتكلمت

وشافت شوقي في عنيا

وبانت لهفتي عليا

دا امر الحب مش امري

لا بايديها ولا ايديا

حذاري من الشفقة

اذا احببت شخصا وتركك ورحل

وراّك الناس ودموعك قد وارت عيناك

فحذاري من الشفقة

اذا كنت قويا وفجأة صار حالك الى الضعف

وراّك الناس وقد خارت قواك

فحذاري من الشفقة

اذا كان السرور ملازما لك كظلك

وفجأة تسرب اليك الحزن وملأ كل حياتك

وراّك الناس والهم يثقل كتفيك

فحذاري من الشفقة

اذا كنت ناجحا في حياتك

وفي لحظة ضعف اصابك الفشل

وراّك الناس وانت منكسر

فحذاري من الشفقة

واخيرا

اذا علمت يوما ان شخصا ما يتقرب اليك

او يهتم بك

لظروف قد حدثت لك

او مرض مررت به

فحذاري من الشفقة

واذا كتبت موضوعا ما لامس احاسيسك

وراّه الناس ولم يهتموا

فحذاري من الشفقة

جعان

جعان 

جعان ومش لاقي الامان

مليقتش من حد الحنان

ولا حد يمسح دمعتي

غريق

غريق ولسة طالع من حريق

مليقتش جنبي في يوم صديق

ولا حد يسمع شكوتي

ساعات

ساعات بتخبط فينا الدنيا

وساعات بتضيع احلامي في ثانية

وساعتها بكون محتاجلك

واتمنى لو تبقي معايا

دايما قلبي بيشتاقلك

وبيكبر حبك جوايا

ساعات عقلي بيجيب ويودي

وساعات الفرح بيقلب ضدي

وساعتها انا بسال 

لو كنتي حسيتي غرامي

واحتار انا بين ان مشاعري

دي حقيقة ولا دي اوهامي

ساعات انا بسرح فيكي

وفي صورتك وفي كل كلامك

وابدأ اتخيل وانا صاحي 

اني انا قدامك

وافضل اتكلم واتاريكي منتيش سامعاني

ولما ابدأ الفت نظرك

انا بصحى على صوت احزاني

ساعات انا ببدأ افكر في الواقع

وفي نفسي شوية

وافتكر انك ولا حسيتي 

ولا خوفتي عليا

وساعتها بقرر انساكي

ومش هبقى عليكي

واول مالدنيا تلطشلي 

ارجع واناديكي

كنت عارف

كنت عارف ان قلبك مش معايا

كنت عارف ان مش ممكن هوايا

يجي في بالك  يبقى في خيالك

في لحظة كنتي فيها اغلى من منايا

اول ما جت عيني في عينيكي وقلتلك

ان قلبي حس بيكي وملتلك

شوفت في عينيكي  اني ابقى ليكي

وفي لحظة تاه عقلي وليه سلمتلك

كان ليا جنبك احلى ذكرى عشتها

كنت بوهبلك حياتي كلها

وانتي اللي بايديكي قدرتي تكسري

قلبي اللي عاش ليكي خلاص بقة تخسري

حبي الحقيقي حاجة منتيش قدها

الكل يدخل جوة داره

اغنية  في احداث مسلسل شياطين الجنة  تاليف  حميدو اللي كان احد ابطال المسلسل الاول على صفحات الانترنت 

واللي قام بدور بدر اخو شاهر العمدة وكان ايضا واقع في حب ابنة الشلايفة نرجس

احداث المسلسل تدور في احدى نجوع الصعيد وتدور حول عائلتين هما عائلة  شاهر عمران  العمدة وهو البطل

وعائلة الشلايفة واللي شاهر بيحب احدى بناتهم  ولكن لانهم متهمين في قتل ابوه العمدة الحاج عامر قرر انه ياخد تاره ويقتل قلبه

الكل يدخل جوة داره

العمدة جاي ياخد بتاره

بالبندقية وبايد قوية

هينهي بايديه القضية

وعنيه خلاص مبقتش سايفة

غير تاره من يد الشلايفة

ولا حد خابر فين هو جابر

دلوقتي ليه باع القضية

مش تار عمران ولا حق شاهر

دا حق وتار كل العوامر

كل الشلايفة دلوقتي خايفة

ولا يد ليهم في القضية

عرفيني طعم الوجود

وحياة عنيكي عرفيني طعم الوجود

 انا حبي ليكي عدى الحواجز والسدود

 هو صوتك لو سمعته بتولد انا من جديد

 اما صورتك مبشوفش غيرها حتى لما تكون بعيد

 كل يوم بيفوت معاكي كل لحظة بتبقى عيد

 لو تغيبي لحظة عني شوقي لعنيكي يزيد

في الطابور بهتف باسمك

قبل  ما ادخل مدرسة 

قبل ما اعرف ايه كتاب

قبل ما يخلوني احبك

قلبي فيكي لوحده داب

كنت بحلم امتا هكبر

وابقى فيكي بجد اقدر

قد ما بتديني خيرك

وقد ما بتساعدي غيرك

وادتيني من غير حساب

قلت مية مرة بحبك

خدني حبك للسحاب

وفي ابتدائي 

قلبي كان للعشق باقي

كل اليوم الصبح بدري

في الطابور بهتف باسمك

ولو هغيب تلاقيني بجري

وفي خيالي وقلبي رسمك

للساعة دي

كله عادي

بصحى من نومي في معادي

وفي الطابور انا برده بهتف

لكي حبي وفؤادي

ولما روحت ياعم ثانوي

اي ذكرى لنصر سنوي

او مناسبة بانتصار

او مبادرة للعمار

او كتاب وبيحكي عنك

او رواية وفيها قصة

والحكاية ريحتها منك

قلبي ميسيبهاش تعدي

من سكات الاقيه يروحلك

يرسم الضحكة لشفايفك

ببقي نايم وقلبي شايفك

كل دقة فيه تقولك

مستحيل يوم ينسى حبك

لو يتوه الضحك مني

مش هلاقي زي حضنك

ولما افراحي تشاغلني

ابوس ترابك وكاني ضمك

وابتدت احلامي تكبر 

وابتديت وبقوة اعبر 

عن حقوقي فيكي منك

بس كان الظلم سائد

واللي يحكم فيكي فاسد

عايشة بين مية الف حاسد

واللي خد منك وجاحد

بين شوارعك لما بمشي

بهتدي لو كنت شارد

عشنا بين مغرور وقادر

واللي في ترابك يتاجر

واللي كان يقتل ولادك

وسطنا مهو اصله فاجر

ربنا وحده اللي عالم

امتا تترد المظالم

امتا حقنا هيعود

ناخده من عين كل ظالم

يارب رجعلنا مصر بلدنا بخير