اجمل مراحل العمر

بسم الله الرحمن الرحيم
ذكريات الطفولة
تعدي الايام وتفوت السنين ولكن يبقى الحنين لايام الطفولة
ايام مكناش نعرف فيها حاجة اسمها الهم او هنعمل ايه بكرة
مكناش شايلين مسئولية
كنا فاضيين ورايقين
كنا طيور الجنة
ولما نكبر و نشوف اي طفل صغير نفتكر لما كنا في سنه كان شكلنا ايه
يا ترى انت فاكر ولا انتي فاكرة كان شكلكوا ايه وانتوا صغيرين
ياترى فاكرين كنتوا بتلعبوا ايه
انا فاكر كل حاجة زي ما يكون امبارح
لان فترة طفولتي كانت اسعد مرحلة في حياتي والحمد لله
فاكر اني كنت واد قرار بتكلم كتيير
فاكر جدي عبد الحميد الله يرحمه وهو بيديني المصرو ف كل يوم كان بريزة
فاكر جدتي الله يرحمها لما كانت بتجيلنا وجايبالنا انا واخواتي حاجة حلوة لبان كرملة كراتيهاو بوووووووووزو
كخخخخخخخخخخخخخ
كنت اكتر لعبة بحبها الكورة و استغماية كنت احسن واحد يلعب الاتنين
مرحلة الطفولة بتفرض على الانسان تصرفاته في المستقبل مع اخواته واصحابه واهله واولاده
يعني اللي قضى طفولة صعبة اكيد بيكون انسان معقد ومكتئب ويائس وبيطلع ارفه على غيره
لكن ممكن يربي اولاده بطريقة عكس اللي اتربى بيها وممكن ده يتسبب في انحراف بعض الابناء
واللي قضى طفولة حلوة هيكون عايش حياته بكل بساطة
وعشان كدة حبيت تشاركوني مراحل طفولتي