الحب جزمة

ياحبيبي من غيرك ولا يوم قدرت أعيش
والفرحة من بعدك خلاص وبح مفيش
يا حبيبي بس ارجع دا انا قلبي متوجع
صحيح الحب جزمة بس الفراق ورنيش

دخلت يوم الكلية

دخلت يوم الكلية
لمحت مزة معدية
مشيت وراها لحد البيت
لقيتها شبه الجنية
.......................
قابلتها في مكان تاني
دعيت تكون مش فاكراني
بصيتلي بصة وقلت ياريت
الاقي طيارة هفاني
...........................
ارفاني ليلي وفي نهاري
بلاقيها علطول بداري
في دولاب ياما تحت سرير
وحياتي قلبت طياري
............................
قولولي يا ناس انا اعمل ايه
مبقيتش عارف ااعيش كدة ليه
دي اخرة اللي يعاكس حد
من غير ما يتأكد بعينيه
................................
ادعولي انها يجيلها زهايمر

دمعة على الورق

ان انسان عاجز ان اتكلم
لا اقدر ان اعبر كيف اتألم
عاجز ان اتعلم ان الدنيا لا تصلح لمن يقع فيها او يتلعثم
وفجأة ظهر البساط السحري من بعيد
جاء ليحملني لعالم جديد
مرت بنا احوال عديدة وصارعنا الرياح فوجدناها شديدة
ولكننا على كل حال عبرنا بسلام
كم مرة حبيت وكم مرة اتحبيت
مش دة المهم المهم
كم مرة كنت صادق مع نفسي
الاجابة.........0.............
ببدأ المشوار مع اي حد ولكن بينتهي بيا وانا لوحدي
الكل بيخدعني الكل بيجرحني حتى اللي حس بيا استغل ضعفي
حتى اقرب صاحب ليا خاني مع حبيبتي
وللاسف هي اللي قالتلي وطلبت ان احنا نبعد افتكرت اني بضحك عليها
وللاسف مقدرتش واحترت اخسر صاحبي اللي باعني
ولا اخسر حبيبتي الل مش مصدقاني
حتى قلبي احتار معايا
محتار انا بين حبيبي وبين صديقي
مش عارف اد ايه هيطول طريقي
انا عارف ان جرح القلب يوجع
على قلبي ياريت يا دنيا بلاش تضيقي
ياخسارة لسة في غدر وخيانة
مين فيهم كان ياقلبي برئ معانا
ويا قلبي بلاش تموت وبلاش تدمع
وياريت الحزن ميكونليش رفيقي
مش عارف تنتهي ازاي الحكاية
ليه دايما بالجراح تبقى النهاية
لو كان العمر ممكن مرة يرجع
مش هحسب الايام دي

ولقد جرحتني

الاغنية دي من تأليفي
بس بردو للاسف المطرب الموهوم حمادة هلال لطش اللحن وزعلت منه خالص ومرضتش اسمع البومه الاخير وغنى على لحنها اغنية الحب حلو
يللا غنوها على اللحن........
-ولقد جرحتني بأستيكة مسحتني
بالطول بالعرض انا هجيبك الارض
هتجيني وتنحني
عندما شوفتك بعيني واحلوت بيك سنيني
طب ليه هنعض يا حبيبي في بعض
اشتريتك بعتني
ولعل وعسى الشوق يوم يتنسى
يا تصون الود يا نصيبنا البعد
بهواك بهدلتني
أينما هتروح هجيلك وفي نن العين هشيلك
هفضل علطول بهواك مشغول
ووراك شحططني
هؤلاء قلبي وعنيا والشوق باين عليا
قدري ومكتوب اعشق وادوب
بعنيك ثبتني
بيد أن انا روحي فيك وكلامي دايما عليك
لو يوم بتغيب انا بشوف تعذيب
كدة ليه جننتني
حيث اني بعشقك نفسي من الدنيا اسرقك
تسكن في عيوني أغطيك بجفوني
يا حبيبي وحشتني

الخونة

جربت ابيع اخلاص للي اسمهم خونة
من وسط كل الناس معشقش غير خونة
مبيعرفوش اخلاص ولا يبقوا غير خونة
والمر دوقته في كاس مليان من الخونة
دا لكل قاعدة اساس والجرح ليه خونة
مبقاش خلاص في الراس ولا عقل ولا تفكير
في البحر انا غواص تايه بقاله كتير
مش لاقي ولا مركبة غير مركب الخونة
والموجة لو متعبة اريح من الخونة
هركب بقة وخلاص وهعيش مع الخونة
وهموت الاخلاص جوايا وهكمل
وامسح بقة الاحساس والحب يتحول
واعيش كدة بأساس أجرح انا الاول
ماهو بكرة كل الناس يتحولوا لخونة
قلبي خلاص هدبحه وهبدله بقفة
أحط فيها الزلط والق بيه الخونة

الويل لي

اّه على من في الهوى رسمتها كلماتي
كانت بقلبي نبضة وضحكة رسمت على شفاتي
كانت لقلبي اقرب اليه من ذاتي
كانت كلامي وهمسي وسكاتي
الويل لي اني اراها سر اّهاتي
والويل لي اني سأذكرها محياي ومماتي

عضو تاني

في يوم عملت منتدى
بس للاسف محدش سجل فيه
تهئ تهئ
المهم اتخنقت اوي اوي
قمت مألف الغنية دي
بس للاسف بردو اللحن اتسرق
واللي سرقه المتربة اللي بحبها زي جارتنا واكتر
من غي رما اقول اسمها وافضحها هي شيرين عبد الوهاب
وقالت فيها جرح تاني
.............................
يلا غنوها على اللحن
عضو تاااااااااااااااااااااااااني
هو لسة سجل حتى اولاني
اخش تااااااااااااااااااااني
بس في حاجة مش مطمناني
تراراره
دخلت مرة وقولت دا منتدى خالي
كتبت حاجة ورجعت ولا واحد جالي
من النهاردة مفيش اعضاء مفيش زوار
من النهاردة نــــت مفيش دا كمان مفيش دا كمان
الله يعوض عالاعضاء وعاليالي
................
وعلى كل حال كل شئ قسمة ونصيب

الأعضاء المتواجدون حالياً في هذا المنتدى: حميدوو

الأعضاء الذين تواجدوا في 24 ساعة الماضية. حميدوو

بطلت ترن عليا

احبابي الكلمات دي الفتها ولحنتها بس للاسف اللحن اتسرق من مطرب معروف بدون ذكر اسماء
هو صابر الرباعي والاغنية هي مثلت الحب عليا
يلا كل واحد بياخد نصيبه
اسيبكو مع الكلمات وغنوها على اللحن
تهئ تهئ........

بطلت ترن عليا وانا بطلت
ونسيت مسداتك ليا لو حتى شحنت
الشحن بيفصل ليه
وبقيت بتكنسل ليه
لو يوم رنيت مش هفتح
وبقلبي هرد عليك
يعني خلاص من دلوقتي لا انت حبيبي ولا انا حبيبك
يعني خلاص من دلوقتي تنسى رصيدي وهنسى رصيدك
قوللي ازاي ترن عليا وانا مفتحش
قوللي ازاي ورن عليا ومتتنحش
قوللي ازاي يا حبيبي ازاي
ارن عليك انا ليل ونهار ومترنش ولا مرة ازاي

بنتك يا عمي منفضالي

يا جماعة الاغنية دي ألفتها لما البت بتاعتي فرطتني
تهئ تهئ تهئ............
روحتلها البيت عشان اعمل فيها مقلب وقابلت ابوها والحوار ده كان بينا
.................................................. .........................
بنتك يا عمي منفضالي وماشية مع واحد طويل
وعشانها كنت بسهر ليالي واشتغلت نهار وليل
هي خاينة وبنت كلب مطمرش فيها اي حاجة
من درة وفشار ولب وحاجة ساقعة من التلاجة
يعني بعد معشقتها في النهاية خسرتها
والفلوس اللي ياما عليها صرفتها...............
ضاعت هدر ضاعت هدر ضاعت هدر

يابن الكئيبة

مش مكتوب عليك تبقى في يوم حبيب
ولا حد يحس بيك وتفضل غريب
ولا يوم حد يحس بجرحك
ولا حد يقاسمك يوم فرحك
ولو تفضل وحداني ممكن تبقى اناني
وممكن يأسك يلعب يقتل حلمك ويخليك
تقلب واحد تاني
ولو جرحك هيذلك لو قلبك خلاك مهزوم
انسى الجرح وخليك فاكر انك مفضلتش موهوم
اصل الجرح يا صاحبي كتيره هيعيشله يدوبك كام يوم
افتح صفحة جديدة وسيبك يسطى ومتكتترش اللوم
بكرة تلاقي نصيبك جالك ولو كنت مسافر الخرطوم

رباعيات حب مات وعاشت ذكراه

كنت عايش عادي

لا عرفت حب ولا دوقت الجراح

قلبي طاير من الفرح

مش مكفيني البراح


وكله فل وعال العال

الي جاي زي النهاردة زي اللي عدى زي اللي راح



شوفت عنيها وغصب عني سحرتني

ومن روحي ومن نفسي ومن كل الدنيا أخدتني

ومن يومها وانا ومحتار

وكل ماروح اكلمها

في شئ جوايا يمنعني

ومن ضعفي ومن خوفي

لتبعد قلبي الاقيه يسكتني



لكن لازم اكلمها واعرف منها حكايتها

بس يارتني اكون فعلا

بجد بقلبي حبيتها


ومتكونش مجرد حالة مـ الاعجاب

وبعد يومين اقوم من نومي والاقيني

لا هي في بالي والاقيني كدة نسيتها


ولما خلاص انا اتأكدت..............................

اني لحبها استسلمت

روحت عليها ولقيتها

فهمت قبل ما اتكلمت


وشافت شوقي في عنيا

وبانت لهفتي عليا

دا أمر الحب مش امري

لا بايديها ولا ايديا



وشوفت غرامها وعرفته

وكل كلامها صدقته



وكانت دي حكايتي

بس قبل ما اقول نهايتي








انا لسة بحبهاا


رغم كل حراحي منها


بس مقدرتش اخونها


ولا انسى حبها


******************************************
بقلم حميدوو

الاسرة ما تتكلمش غير لما النور يقطع

السلام عليكم ورحمة الله و  بركاته

موضوعي اليوم عن الاسرة

الاسرة

هي المدرسة الاولى بالنسبة للانسان

لان اي انسان لازم ينشأ في اسرة

سواء كانت الاسرة دي  هي ابوه وامه

او  ناس بتربيه

اوأسرة في ملجأ

المهم ان اي انسان لابد انه ينشأ في اسرة

وعشان كدة  حبيت يكون  موضوعي  عن الاسرة

اللي تعتبر نواة المجتمع

الاسرة كل ما كانت  راقية كل ما كان الفرد اللي بينشأ فيها راقي و ممكن يخدم مجتمعه بصورة افضل

لكن  الاسرة  ليها عناصر

فمثلا الاسرة اللي في البيت من اب وام واخوات

ممكن  ميتكلموش خالص مع بعض  الاب يروح شغله الصبح ويرجع بليل تعبان يتعشى وينام

الام طول اليوم شغالة في البيت تطبخ  تمسح  تغسل  تـ................

لحد  ما ضهرها يعيني يشد عليها  تيجي بليل تحط العشا لجوزها وتنام

الاخ عنده مشغولياته  لو صغير بيلعبطول اليوم لحد ما يتهد وييجي يتقلس وينام

لو كبير  شغال برده  ويعمل زي ابوه  ولو عيل   سيـــــــــس  بيتفسح طول النهار ويقعد عالقهوة شوية وبعدين يتقام على اي حتة يقضي فيها الليل لحد الصبح

ويرجع البيت  مش شايف يخش يتقلس وينام  وميصحاش غير تاني يوم العصر

الاخت برده ملهية في اي حاجة

المهم ميتجمعوش

لكن الاسرة دي ممكن تتكلم مع بعضها في حالة واحدة  وممكن يتناقشوا  ويسألوا بعض عن احوالهم

ازيك يا بابا اخبارك ايه  انت فين من زمان

وانتي يا ماما  عاملة ايه  وحشاني

وانت ياخويا  متبقاش تقطع الجوابات

وانتي يختي والله نفسي اشوفك من مدة

وللعلم هم عايشين مع بعض في بيت واحد

وتبقى الفرصة الوحيدة عشان الحوار ده يحصل

ان النور يتقطع  فميلاقوش حاجة يعملوها

الام كانت بتعمل العشاا  النور قطع  خرجت 

الاب كان نايم شوية  والنور قطع  المروحة طبعا مش هتشتغل او التكييف  يضطر يقوم

البنت  كانت بتشوف مسلس عاصي  النور قطع  سكتت

الواد كان مشغل الكمبيوتر بتاعه وقاعد يكلم البت بتاعته اللي هي اصلا راجل عنه

لما النور يقطع  يضطر  يقوم عشان المقابلة العائلية

ياترى  الود والحب بين الاسرة دي  يبقى عامل ازاي

اعتقد  ان الاب  هتختفي مشاعره  تدريجيا من ناحية مراته  ومش هيقلق على حد من الاولاد لو حد غاب ولا اتأخر ولا مجاش النهاردة خالص

الام  برده  هتبقى علاقتها بجوزها  مجرد خدمة  ومش هتعرف بنتها حالتها النفسية او العاطفية او  او احتياجاتها 

وكل واحد هيبيقى ليه حياته الخاصة اللي اخوه وامه وابوه واخته وابنه  محدش يعرف عنها حاجة

يعني ممكن الولد يسقط  وابوه ميعرفش

ممكن ينجح  وامه متزغرطش

ممكن يبقى عيد ميلاده  ومحدش يقوله كل سنة وانت طيب

وممكن وممكن

وهنا هتموت صلة الرحم

وهتموت القيم والاخلاق والمودة

عشان كدة الاسرة هي المدرسة الاولى في حياة اي انسان

الانانية حاجة مش اللي هي

صباحكوا/مساؤكوا فل
الانانية كلمة شايلة جواها معاني وحشة كتير
وعلى فكرة انا اتخنفت منها اوي امبارح عشان كتبت موضوع مرتين
والنت فصل
المهم لما نيجي نتكلم عن الانانية
هنلاقيها حاجة كدة زي المرض عبارة عن حب النفس بشراسة
حب امتلاك كل حاجة كل المميزات ومتتمنهاش لغيرك
يعني مثلا لما ابوك يجيب بطيخة كبيرة وتاكلها لوحدك ومتسيبش حاجة لاخواتك الغلابة دي تبقى طفاسة وانانية
لما تنجح في دراستك في شغلك في اي حاجة ومتتمناش لزميلك انه ينجح زيك تبقى غباوة وانانية
لما تفرض رأيك في كل حاجة ومتهتمش برأي غيرك او اللي هو عايزه تبقى رخامة وانانية
ايه هي الانانية......؟
حب النفس وحب السيطرة على كل حاجة على املاك الغير من غير وجه حق
بطلوا ده واسمعوا ده
وقال الامام على رضي الله عنه
<<عجبت للمتكبر الذي كان بالامس نطفة ويكون غدا جيفة>>
وهي عدم حب الخير للغير
.......................................
اسبابها ...؟
التربية الغلط وزي ما بنقول الغلط يطرطش ظلط وعدم توعية الابناء بان الانانية شئ سيء
الحرمان سبب من اسباب الانانية
كتر العقاب والضرب زي ما ام عمرو اللي قدامنا بتعمل كل ربع ساعة تمسك الواد عمرو وترزعه علقة لحد ما عمرو كرهها وكره ابوه وكرهني عشان ساعات بشوفه وهو بيضرب
التحقير وكسر النفس من الاسباب
ازاي نعالج الانانية
لازم نتبع تعاليم الاسلام 
فالرسول عليه الصلاة والسلام قال <<لا يؤمن احدكم حتى يحب لاخيه ما يحب لنفسه >>
ونصفي نفوسنا من اي صفة مكروهة
سلامات يسطوات

ان ابغض الحلال عند الله الطلاق

ان أبغض الحلال عند الله الطلاق

هذا ما قاله الكريم هز وجل في كتابه العزيز عن الطلاق

الطلاق يؤدي لتفكك الاسرة وان كان حلا حتى لا تنهار اخر اعمدتها

الطلاق ممكن ان يكون طريقة لتفادي الخلافات والمشاكل والتي تحدث بين الزوجين والتي قد تتطور لاكثر من مجرد النقاش

حيث من الممكن ان يتحول النقاش الى مشادة كلامية ومنها الى تعدي بالكلام ومنها الى تعدي بالسب ومنها الى تعدي بالضرب وهنا لابد من وقفة

فعاشروهن بالمعروف او طلقوهن باحسان

اي اما ان تعيشوا معا زوج وزوجة بالمعروف والخير والحب والمودة

او تنفصلوا وان تحسنوا الى بعضكم بالا يسئ احدكم للاّخر

الطلاق هو احد اسباب انحراف الاولاد خاصة في سن المراهقة

وبعض الاولاد قد تنتهي علاقته باحد ابويه نتيجة الطلاق وذهابه مع احدهما وعدم رؤيته للاّخر

الطلاق وسيلة شرعية ومحللة لكنها قاسية جدا خاصة على الابناء

لو يدبل الورد

لو يدبل الورد
لويموت الشجر
لو تنزل دموعنا زي المطر
لوينتهي عصر البشر
انت النصيب انت القدر
انت اللي ليك يحلى السهر
انت اللي في عنيك القمر
لو يخلص القول والسكات
لو يتنسي كل اللي فات
لو كل حب الدنيا مات
مقدرش اعيش من غير عنيك
مقدرش اعيش بعدك ساعات
لو تتحكي قصص الغرام
هيخلصوا علينا الكلام
من غير عتاب من غير ملام
نساني حبك امتى انام
اهديكي بستان بالزهور
وبحبي ابنيلك قصور
ولو الحنين يمل السطور
ميكفينيش فيكي البحور